पोखरा(खेलाडी न्युज)-क्लबहरु बीचको अन्तराष्ट्रिय च्याम्पियन्स कपमा रियल मड्रिडले आर्सनललाई पेनाल्टीमा पराजित गर्दै पहिलो जित दर्ता गरेको छ । दुई गोलले पछि परेको अवस्थामा खेलमा फर्किएको मड्रिडले अन्तत पेनाल्टीमा ३-२ गोलले पराजित गरेको हो ।

अलेक्जण्डर लाजाकट्टेको १० औं मिनेटमा गरेको गोलबाट लिएको अग्रतालाई पिइरेक अबुमायंकले २४ औं मिनेटमा दोस्रो गोल गर्दै मड्रिडलाई दबावमा राखे । तर दोस्रो हाफमा मड्रिड खेलमा फर्कियो । निकै कम रोजाईमा पर्दै आएका गारेथ बेलको गोलबाट खेलमा फर्किएको मड्रिडका लागि बराबरी गोल भने मार्को एसेन्सोेले हिर्काए ।

बेलले ५६ र एसेन्सोले ५९ औं मिनेटमा गोल गरेका थिए । खेलमा दुवैले समान एक एक खेलाडीलाई गुमाउन पुग्यो । मड्रिडका नाचोले ९ औं मिनेटमा रेड कार्ड खाँदै बाहिरिएपछि दश खेलाडीमा विताउँदा आर्सनलका पनि सोर्काटिसले ४० औं मिनेटमा रातो कार्डको सामना गरेपछि दुवै टोली दशखेलाडीमा सीमित बन्न पुग्यो ।

LEAVE A REPLY

Please enter your comment!
Please enter your name here