पोखरा(खेलाडी न्युज)– अघिल्लो सिजन खराब लयबाट गुज्रिएको रियल मड्रिडले स्पेनिस ला लिगामा पहिलो खेलमा दश खेलाडीमा टुग्याउँदै सेल्टामाथि ३-१ गोलको जित रचेको छ ।

५६ औ) मिनेटमा भरपर्दा मिडफिल्डर लुका मड्रिच रातो कार्ड खाँदै मैदान बाहिरिएपछि दश खेलाडीमा समेटिएको रियलले सेल्टालाई पराजित गर्दै तीन अंक जोड्यो ।

फ्रान्सेली स्ट्राईकर करिम बेन्जिमाको गोलबाट अग्रता लिएको रियलले तेस्रो गोल भने ८० औं मिनेटमा गरेको थियो । बेन्जिमाले १२ औं मिनेटमा गोल गर्दै गोलको खडेरीबाट छिट्टै टुटाए । दोस्रो गोल भने रियलले ६१ औं मिनेटमा टोनी क्रसले गर्दै रियलको अग्रतालाई फराकिलो बनाए ।

८० औं मिनेटमा लुकास भ्याजकुयजले गोल गरेका थिए । तर अन्तिम समयमा ९० प्लस १ मिनेटमा इकर लोसाडाले गोल गर्दै सेल्टालाई गोलरहित अवस्थाबाट भने मुक्त राखे ।

LEAVE A REPLY

Please enter your comment!
Please enter your name here