एजेन्सी— म्यानचेष्टर डर्बीमा दोस्रो हाफमा उत्कृष्ठ कम व्याक गरेको म्यानचेष्टर युनाईटेडले म्यानचेष्टर सिटीविरुद्ध महत्वपूर्ण जित निकाल्दै सिटीलाई उपाधिको लागि केही पर धकेलिदिएकोछ ।
पहिलो हाफमा दुईगोलले पछि परेको अवस्थालाई उल्टयाउँदै युनाईटेडले पोउल पोग्बाको प्रेरणादायी खेलमा ३—२ गोलले पराजित गर्दै म्यानचेष्टर डर्बीमा आफनो छविलाई कायमै राख्यो । लीग लीडर सिटीलाई पराजित गर्दै जोसे मोरिन्होले फेरी एक पटक आफनो क्षमतालाई सिद्ध गरेका छन् । सिटीकै मैदान इत्तिहाडमा युनाईटेडले रोमाञ्चक नजितासँगै जित आत्मसात गर्यो । सिटीले भने युनाईटेडलाई पराजित गर्दै किर्तिमानीसहितको उपाधि उचाल्ने लक्ष्यमा थियो । जुन गएराती असफल हुन पुग्यो ।
२५ औं मिनेटमा भिसेन्ट कोम्पनीले शुरुवाती गोल गर्दै सिटीलाई अग्रता दिलाए । लिरोय सानेको क्रस पासमा कमै कोम्पनीले हेडिङ गर्दै गोल गरेपछि सिटीका समर्थकले उपाधि उचाल्ने बाटो खुला हुदै गएको संकेत देखेका थिए । ३० औं मिनेटमा ईके गण्डोगानले रहिम स्टेरलिङको पासमा गोल गर्दै सिटीलाई पहिलो हाफ २—० को अग्रता दिलाउँदै युनाईटेडमाथि पूर्ण दबाव बनाई छाड्यो ।
दोस्रो हाफमा दुई मिनेटको अन्तरमा दुई गोल गर्दै युनाईटेड खेलमा फर्कियो । एण्डर हेरेराको पासमा पाउल पोग्बाले पहिलो गोल भने ५३ औं मिनेटमा गरे । च्याम्पियन्स लिगमा सेभिल्ला विरुद्धको खेलमा बेन्चमा रहेका पोग्बाले पछिल्लो समय बेन्चमै बिताउँदै आएका छन् । दोस्रो रोजाईमा पर्दै दोस्रो हाफदेखि नै उनले खेल्ने अवसर पाउँदै आएका छन् । तर हिजो भने उनी पहिलो रोजाईबाटै मैदानमा छिरेका थिए ।
५५ औं मिनेटमा पोग्बाले व्यक्तिगत दोस्रो गोल गर्दै युनाईटेडलाई सम्भावित हारबाट जोगाउँदै बराबरी तर्फमा ल्याईपुर्याए । एलेक्स सान्चेजले दिएको थ्रो बललाई सदुपयोग गर्दै उनले हानेको हेडिङ बल पोष्टभित्र छिरेपछि युनाईटेड खेलमा फर्किदाँ सिटीले उपाधि लक्ष्य लगभग गुमाउँदै अर्को खेलसम्म कुर्नुपर्ने बाध्यता बन्यो । ६९ औं मिनेटमा एलेक्स सान्चेजले दिएको क्रसपासमा एकान्तमा रहेका क्रिस स्मलिङले सदुपयोग गर्दै गोल गरेपछि युनाईटेडले महत्वपूर्ण जित निकाल्न प्रयाप्त बन्यो ।
८३ औं मिनेटमा सिटीका फावियन डेल्पलेले डिबक्सभित्र उपलब्ध गराईदिएको पासलाई ग्रावियल जेससले खेर फालेपछि बराबरीको अवसर चुक्यो । जेससले नै सर्जिओ अगुईरोको पासमा फेरी एक पटक पोष्टमा हान्ने अवसर पाएपनि बीचैमा ब्लक हुदाँ त्यो अवसरबाट पनि बन्चित हुदाँ हारबाट जोगिन सकेन् ।
घरेलु मैदानमा सिटीका अगुईरोले ८९ औं मिनेटमा लिरोय सानेको पासलाई सदुपयोग गर्दै हानेको हेडिङ युनाईटेडका गोलकिपरले बचाउ गरेका थिए । खेलको इन्जुरी समयमा समेत सिटीका कोम्पनीले केभिन डि ब्रुनेको पासलाई पोष्टमा प्रहार गरेपनि आकासिएपछि सिटी युनाईटेडसँग पराजको संघारमा पुग्यो ।
पोखरा-गण्डकी प्रदेश खेलकुद परिषदले अन्तराष्ट्रियस्तरको क्रिकेट रंगशाला निर्माण गर्ने सपना साँचेको झण्डै आधा दशक पुरा भईसक्यो । तर अझै उपयुक्त मैदान भेटेको छैन् । परिषदले स्थान पहिचान गरेपनि लगानी भने अझै हुन सकेको छैन् । पोखरा ३३ पशुपतिघाटमा…