पोखरा(खेलाडी न्युज)-नेपाली सेनाले पहिलो पटक प्याराग्लाईडिङ च्याम्पियनसिपमा आफनो सहभागिता जनाउदै छ । इण्डोनेशियामा आयोजित १८ औं एशियाली खेलकुद प्रतियोगितामा नेपालले क्रस कन्ट्रीमा रजत पदक जितेर फर्किएपछि सेनाले प्याराग्लाईडिङ तर्फ ध्यान बढाएको हो । सेनाले आठौ राष्ट्रिय खेलकुद प्रतियोगितामा प्याराग्लाइडिङमा पोखराबाटै प्रतिस्पर्धामा उत्रिने छ । बैशाख ६ देखि ९ गतेसम्म पोखराको सराङकोटदेखि उडान भर्दै खपौदीमा सहभागि प्यारा पाईलटले ल्याण्ड गर्ने छन् ।
आठौं राष्ट्रिय खेलकुद प्रतियोगितामा सेनाले १० पुरुष र ४ महिला गरी १४ खेलाडीलाई पहिलो पटक समावेश गराउँदै छ । दुई खेलाडी भने इण्डोनेशियामा आयोजित एशियाली खेलकुद प्रतियोगितामा सहभागि भई फर्किएका छन् । विजय गौतम र विशाल थापा नेपाली सेनाबाट पोखराको आकाशमा प्रतिस्पर्धा गर्ने छन् । चार दिने प्रतियोगिताको लागि प्रदेश नं १ बाट ९ पुरुष र २ महिला गरी ११ जना, २ नम्बर प्रदेशबाट सहभागिता छैन्, प्रदेश नं ३ बाट १० पुरुष र १महिला गरी ११ जना पाईलटले सहभागिता जनाएका छन् ।
गण्डकी प्रदेशबाट १० पुरुष र ३ महिला गरी १३ जना खेलाडीले प्रतिस्पर्धा गर्ने छन् । प्रदेश नं ५ बाट पनि सहभागिता छैन् । प्रदेश नं ६ बाट २ जना पुरुष र प्रदेश नं ७ बाट ५ जना पुरुषले प्रतिस्पर्धा गर्ने नेपाल प्याराग्लाईडिङ तथा ह्याङग्लाईडिङ संघका महासचिव शैलेन्द्र रावतले जानकारी दिए । दुई विभागीय नेपाल पुलिस र सशस्त्र प्रहरी बलको सहभागिता भने छैन् । ‘एशियन कपमा पदक जितेपछि आर्मीले प्याराग्लाइडिङ प्रति निकै चासो दिएको छ ।’उनको भनाई थियो । आर्मीको प्याराजम्प गर्ने र प्याराग्लाइडिङ मिल्दोजुल्दो भएकोले पनि आर्मीको चासो बढेको अनुमान गरिएको छ ।
यतिबेला खेलाडीहरु सोलो उडान भर्दै आएका छन् । जुन उनीहरुको लागि नियमित प्रशिक्षण समेत हो । कर्मसियल उडान समेत हुदैं आएको छ । ६ स्वर्ण पदकको लागि ५६ जना खेलाडीले प्रतिस्पर्धा गर्ने छन् । पुरुष एक्युरेसी, क्रसकन्ट्री, टिम एक्युरेसी र टिम क्रसकन्ट्रीमा प्रतिस्पर्धा हुने छ भने महिलामा पनि एक्युरेसी र क्रसकन्ट्रीमा प्रतिस्पर्धा गराईने महासचिव रावतले बताए । ‘हामीले प्यारानोभा प्याराग्लाइडिङ कम्पनीको टेक अफ र ल्याण्डिङ जोन प्रयोग गर्ने छौं ।’ उनको भनाई थियो ।
राष्ट्रिय खेलकुद प्रतियोगितामा पदक विजेता खेलाडीसँगै उत्कृष्ठ दशभित्र रहने महिला तथा पुरुष खेलाडीलाई इभेण्ट अनुसार साग गेम्सको तयारीको लागि राखिने उनले सुनाए । ‘उत्कृष्ठ दशभित्रका खेलाडीलाई आवश्यकता अनुसार एक्युरेसी र क्रसकन्ट्रीको प्रतिस्पर्धाको लागि पठाउने गरी प्रशिक्षणमा राखिने छ ।’ उनले भने–‘त्यसरी राखिएपछि एक्युरेसीमा जाने र क्रसकन्ट्रीको प्रतिस्पर्धामा जाने खेलाडी छुट्टाछुट्टै हुने छ । नजिता पनि राम्रो आउनसक्छ ।’ आठौं राष्ट्रिय खेलकुद प्रतियोगिताको लागि नेपाल हवाई खेलकुद संस्थाले सहयोगी भूमिका खेल्ने छ भने नेपाली सेनाको ३ नम्बर बाहिनीले उद्दार कार्यमा सहयोग गर्ने छ ।
पोखराको आकाशमा सफा मौसममा दर्जनौं प्याराग्लाइडिङ उडान भर्दै आएका छन् । प्याराग्लाइडिङको लागि विश्वकै उत्कृष्ठ साहसिक गन्तव्यको रुपमा चिनिएको पोखराको सराङकोटमा आयोजित राष्ट्रिय प्रतियोगिताले साहसिक खेल पर्यटनको प्रवद्र्धनमा टेवा पुग्ने अपेक्षासहित विश्वास गरिएको छ । प्याराग्लाइडिङको लागि पोखरामा दर्ता भएका कम्पनी नै ६० भन्दा बढी नै छन् ।
एशियाली प्रतिस्पर्धामा रजत जितेको नेपाली प्याराग्लाइडिङको लक्ष्य भने फ्रान्समा आयोजना हुने ओलम्पिक खेलमा सहभागितासँगै पदकको अपेक्षा हो । महासचिव रावतका अनुसार एशियालीमा पदक जितिसकेको भन्दै ओलम्पिकमा पनि पदकको लागि प्रतिस्पर्धा गर्न सकिने छ ।
पोखरा-गण्डकी प्रदेश खेलकुद परिषदले अन्तराष्ट्रियस्तरको क्रिकेट रंगशाला निर्माण गर्ने सपना साँचेको झण्डै आधा दशक पुरा भईसक्यो । तर अझै उपयुक्त मैदान भेटेको छैन् । परिषदले स्थान पहिचान गरेपनि लगानी भने अझै हुन सकेको छैन् । पोखरा ३३ पशुपतिघाटमा…