दि युनाईटेड गोल्डमार्ट टी—२० मा पिसिसिको फराकिलो जित

- खेलाडी न्युज, पोखरा


     खेलाडी न्युज    
     माघ २३ गते २०७४ मा प्रकाशित


पोखरा,(खेलाडी न्युज)—आयोजक पोखरा क्रिकेट क्लबले खबरा क्रिकेट क्लब(म्याग्दी)लाई १८४ रनले पराजित गर्दै दि युनाईटेड गोल्डमार्ट टी—२० क्रिकेट प्रतियोगिताको सुखद शुरुवात गरेको छ । पोखरा रंगशालास्थित क्रिकेट मैदानमा शुरु भएको उदघाटन खेलमा टस जितेर व्याटिङ गरेको पोखरा क्रिकेट क्लबले निर्धारित २० ओभर खेल्दै तीन विकेटको क्षतिमा २३९ रनको विशाल योगफल तयार पा¥यो । अनिल गुरुङले ३५ बलमा अविजित ७२ रन बनाउँदै म्यान अफ दि म्याचबाट पुरस्कृत भए । ३८ बलमा ७३ रन बनाउँदै पहिलो विकेटको रुपमा रिजन प्रजुलाई पोखरा क्रिकेटले गुमायो । प्रदीप राउतले ३७ बल खेल्दै अर्धशतक पुरा गर्दा दोस्रो विकेटको रुपमा पवेलियन फर्किए । गोविन्द प्रधान केवल दुई बल खेल्दै एक रनमा आउट भएका थिए । अक्लेस, सज्जन र अनिशले एक एक विकेट बाँडे ।

२४० रनको फराकिलो लक्ष्य पछ्याएको खबरा क्रिकेट क्लब भने केवल ५५ रनमै समेटियो । सन्तोषले सर्वाधिक २३ बनाई आउट भएपछि अन्य व्याट्सम्यानले दोहोरो अंकको रनविहीनमा आउट भए । चार खेलाडी एलबी डब्लुको शिकार भएका थिए । तीन व्याट्सम्यान क्लिन बोल्ड हुन पुगे । प्रदीप राउतले दुई विकेट लिए । ऋषिकेश शर्माले २ विकेट, चन्द्रकुमार गुरुङ, नितेश, किशोर महतो र दिपेशले एक एक विकेट लिए । प्रजु गत वर्ष पुर्वाञ्चलमा सम्पन्न सातौं राष्ट्रिय खेलकुद प्रतियोगिता अन्तर्गत पुरुष क्रिकेटको पश्चिमाञ्चलका प्रशिक्षकको भूमिका निर्वाह गरेका थिए । चन्द्रकुमार महिला क्रिकेट टोलीको व्यवस्थापकीय जिम्मेवारी लिएका थिए । अनिल सातौं राष्ट्रिय खेलकुद प्रतियोगितामा पश्चिमाञ्चलका सहभागि खेलाडी समेत हुन् । राउत र शर्माले राष्ट्रियस्तरको प्रतियोगिता खेलिसकेका छन् ।

विजेता टीमले नगद ४० हजार साथमा नगद, शिल्ड तथा प्रमाणपत्र, उपविजेताले २० हजार सहित नगद, शिल्ड र प्रमाणपत्र प्राप्त गर्नेछन् । म्यान अफ दि टुर्नामेन्टलाई ७५०० बराबरको क्रिकेट किट् प्रदान गरिनेछ । बेस्ट बलर, बेस्ट ब्याट्सम्यानले जनही पाँच हजार प्राप्त गर्नेछन् । हरेक दिन म्यान अफ दि म्याचलाई समेत पुरस्कृत गरिने आयोजक पोखरा क्रिकेट क्लबका आयोजक समिति सदस्य चन्द्रकुमार गुरुङले बताए ।