मेस्सीले गोल गर्दा बार्सिलोना शहरमा कम्पन हुन्छ

- खेलाडी न्युज, पोखरा


     खेलाडी न्युज    
     चैत्र २८ गते २०७४ मा प्रकाशित


एजेन्सी- जब लियोनेल मेस्सीले गोल गर्छन् तब बजार गुन्जयमान हुन्छ । गुन्जयमान मात्रै नभई कम्पन नै हुने गरेको छ । स्पेनका बैज्ञानिकहरुले मेस्सीको गोलमा कम्पन हुने गरेको बताएका छन् ।

स्पेनका वैज्ञानिकहरूले बार्सिलोना फुटबल टीमका लागि गोल हान्दा बार्सिलोना शहरमा साँच्चै नै कम्पन हुने गरेकोु पाइएको बताएका छन्। अनुसन्धानकर्ताहरूले क्याम्प नोउ रंगशाला नजिकै कम्पन मापन गर्ने सिस्मोमिटर जडान गरेका थिए। र, मेसीले गोल हानेपछि भीडले खुसियाली मनाउँदा त्यस क्षेत्रमा मानिसहरूले महसुस गर्न सकिने कम्पन हुने गरेको उनीहरूले बताएका छन्।

गोल हानेको खुसियालीमा समर्थकहरू उफ्रिँदा र तल झर्दा कम्पन बढ्ने गरेको अनुसन्धानकर्ताहरूले उल्लेख गरेका छन्।
अर्थ साइन्सेस् इन्स्टिच्युटका अनुसन्धानकर्ताहरूले बार्सिलोनामा हुने फुटबल खेलसँग जोडिएका मानवीय गतिविधि र मोटरकारहरूको ट्राफिकले उत्पन्न गर्ने कम्पनहरूबारे अध्ययन गरिरहेको बिबिसीको समाचारमा जनाईएको छ ।