साग पदक विजेतालाई गृह गाँउ डुडुवाद्धारा नगदसहित सम्मान

- खेलाडी न्युज, पोखरा


     खेलाडी न्युज    
     असाेज ८ गते २०७७ मा प्रकाशित


काठमाडाैं ।  १३ औ दक्षिण एसियाली खेलकुद सागमा रजत पदक प्राप्त गर्ने बाँके स्थित डुडुवा गाउँपालिकाका दुई जना खेलाडी र दुई जना कोचलाई बुधबार नगद पुरस्कार सहित सम्मान गरिएको छ ।

२०७६ मंसिरमा नेपाल सरकार युवा तथा खेलकुद मन्त्रालयद्धारा आयोजित सागमा डुडुुवा गाउँपालिका वडा नंं ५ का शुसिला चन्द र निर्मला घर्तिमगरले रजत पदक प्राप्त गरेको र कोच खेलाडी पदम बहादुर बुढाथोकी र मुम्ताज अलीले खेलको माध्यमले गाउँपालिकाको नाम पहिचान गराएकोमा उनीहरुलाई सम्मान गरिएको हो ।

गाउँपालिकामा बुधबार एक कार्यक्रमको आयोजना गरि दुबै जना खेलाडीलाई दोसल्लासहित कदर पत्र र जनही नगद रु ५० हजारका दरले सम्मान गरिएको डुडुवा गाँउपालिकाका प्रमुख प्रशासकिय अधिकृत प्रशुराम उपाध्यायले जानकारी दिए । चारै जना खेलाडीलाई गाउँपालिका अध्यक्ष नरेन्द्रकुमार चौधरीले नगदसहित सम्मान गरेका थिए ।

सम्मान कार्यक्रममा बोल्दै गाउँपालिका अध्यक्ष चौधरीले खेलकुदको माध्यमबाट राष्टियस्तरमा नै गरिमा बढाएको र डुडुवाको नाम समेत रोशन गरेको भन्दै खेलाडीको थप हौसला तथा उत्प्रेरणा जगाउन सम्मान गरिएको बताए । उनले भने–‘यो सम्मानले यहाका थप स्थानीय खेलाडीहरुको उत्प्रेरणा बढाउनमा मद्दत गर्दछ ।’