डोपिङपछि कोर्टमा फर्किएकी सारापोभाको वर्षको पहिलो जित

- खेलाडी न्युज, पोखरा


     खेलाडी न्युज    
     माघ २ गते २०७४ मा प्रकाशित


Tennis - WTA - Rome Open - Maria Sharapova of Russia v Mirjana Lucic-Baroni of Croatia - Rome, Italy- 16/5/17- Sharapova returns the ball. REUTERS/Max Rossi

एजेन्सी(खेलाडी न्युज)- शीर्ष बरियताका स्वीस खेलाडी रोजर फेडेररले अष्ट्रेलियन ओपनमा सहज जित निकालेका छन् । उनी दोस्रो चरणमा प्रवेश गर्ने क्रममा बेलायती खेलाडी ए बेड्नीलाई ६—३, ६—४, ६—३ को सेटले पराजित गरेका हुन् । ३६ वर्षिया फेडेररले वर्षको पहिलो ग्राण्डस्लाम जित्दै इतिहास कोर्ने लक्ष्यमा छन् । यद्यपी स्पेनिस राफाल नाडाल, सर्वियाका नोभाक जोकोभिच, हुवाँन मार्टिन डेल पोर्टो लगायतका शीर्ष खेलाडीको चुनौति पनि उत्तिकै छ ।

यसैगरी महिला तर्फको प्रतिस्पर्धामा अष्ट्रेलियन ओपनको पूर्व विजेता मारिया सारापोभाले पनि पहिलो जित निकाल्दै दोस्रो चरणमा प्रवेश गरिन् । डोपिङ काण्डमा १५ महिना टेनिस खेल्न प्रतिबन्ध भएकी सारापोभाले मेलबर्नस्थित मार्गरेट टेनिस कोर्टमा तात्जना मारियालाई ६—१, ६—४ को सेटले पराजित गरिन् । ‘दुई वर्षपछि कोर्टमा फर्किएको छु ।’ सन २००८ को अष्ट्रेलियन ओपन च्याम्पियन सारापोभाले जितपछि भनिन—‘यो क्षणमा मैले एकदमै खुशीको अनुभूति गरेकी छु । यो मेरो लागि निकै स्मरणीय पनि हो ।’

फोटो फाईल