पोखरा-सहारा क्लब पोखराले प्रदान गर्दै आएको सहारा पत्रकारिता पुरस्कार–२०८२ बाट पत्रकार रोहितराज पराजुलीलाई पुरस्कृत गरेको छ । २८औँ वार्षिक साधारण सभाका अवसरमा मंगलबार आयोजित कार्यक्रममा गण्डकी प्रदेशका सामाजिक विकास, युवा तथा खेलकुदमन्त्री रेखा गुरुङले नगद ३० हजार ५ सय ५५ रुपैयाँ राशि सहित दोसल्ला, सम्मानपत्र सहितको पुरस्कार पराजुलीलाई पुरस्कृत गरिन ।
फुटबलमार्फत सामाजिक सेवामा सक्रिय सहारा क्लबले खेलकुद क्षेत्रमा कलम चलाउने पत्रकारलाई प्रोत्साहन गर्न हरेक वर्ष यो पुरस्कार प्रदान गर्दै आएको छ । क्लबले २०६३ सालमा स्थापना गरेको यो पुरस्कार खेल पत्रकारिता विधामा नेपालकै पहिलो भएको दाबी गरेको छ । यसअघि २० जना पत्रकारलाई यो पुरस्कार प्रदान गरिसकिएको छ ।
कार्यक्रममा बोल्दै मन्त्री गुरुङले सहारा क्लबले खेलकुद र सामाजिक क्षेत्रमा पुर्याएको योगदानको प्रशंसा गरिन् । उनले सरकार परिवर्तनसँगै नीति परिवर्तन हुने प्रवृत्तिले विकासमा समस्या सिर्जना गरेको भन्दै त्यसलाई निरन्तरता दिन नहुने बताइन् । सरकारले सहारा जस्ता संस्था तथा निजी क्षेत्रसँगको सहकार्य अगाडि बढाउनुपर्ने उनले बताइन् । मन्त्री गुरुङले विकास र समृद्धिको यात्रा सफल बनाउन सरकारलाई सबैको सहयोग आवश्यक रहेको उल्लेख गरिन् । उनले सहारा क्लबलाई सरकार साथमा रहेको अनुभूति गराउने गरी विगतभन्दा बढी सहयोग गर्ने प्रतिबद्धता जनाइन् ।
पोखरा बुद्धचोककी सञ्जु गुरुङले आफ्नी आमा चित्रकुमारी गुरुङको स्मृतिमा सहारा क्लबलाई नगद ७८ हजार रुपैयाँ सहयोग गरिन् । सभामा उत्कृष्ट सदस्यका रूपमा सिद्धान्त थापामगर सम्मानित भए । यसका अलावा विभिन्न व्यक्तिलाई सम्मान तथा शैक्षिक पुरस्कार वितरण समेत गरियो ।
पोखरा-सहारा क्लब पोखराले २६ औं संस्करणको आहा रारा पोखरा गोल्डकपको तयारीमा जुटेको छ । क्लबले आगामी माघ ५ गतेदेखि १६ गतेसम्म गोल्डकप आयोजना गर्ने सार्वजनिक गरेको छ । हिमश्री फुड्स प्रालिको उत्पादन रारा तयारी चाउचाउको मुख्य प्रायोजन रहने…
पोखरा-पोखरा अन्तर्राष्ट्रिय क्रिकेट रङ्गशालामा जारी गण्डकी पीएम कप महिला टी–२० छनोट प्रतियोगिता २०२६ अन्तर्गत भएको उद्घाटन खेलमा कास्की जिल्ला महिला क्रिकेट टोलीले नवलपुरलाई १९ रनको जित दर्ता गरेको छ। प्रतियोगिताको औपचारिक उद्घाटन गण्डकी प्रदेश खेलकुद परिषद्का सदस्य–सचिव दीपेन्द्र…