रियलको जितमा असेन्सियो नायक

एजेन्सी—हारको श्रृखंलालाई जोगाउँदै रियल मड्रिडले तीन अंक जोडेको छ । खेल सकिन एकमिनेट बाँकी छदा गोल गर्दै जितको खडेरी रियल तोड्दा महत्वपूर्ण तीन अंक बटुल्यो। ८९ औं मिनेटमा मार्को असेन्सियोले रियलका लागि गोल गर्दै नायक बन्न पुगे ।

लेगानेसको घरेलु मैदानमा भएको पहिलो लेगको खेलमा रियलले खेलको अन्तिम मिनेटमा गोल गर्दै जित सुनिश्चित बनायो । रियलको दोस्रो रोजाइको टोली उतारेका प्रशिक्षक जिनेदिन जिदानले ३ खेलपछि पहिलो जित हासिल गरेका हुन् । रियलले अर्को साता दोस्रो लेगमा अब घरेलु मैदान सेन्टीइगो बर्नेबाउमा लेगानेसलाई निमन्त्रणा दिने छ ।

लेगानेसले दोस्रो हाफमा गरेको प्रहार बारमा लागेर फर्किएपछि गोल गर्ने अवसर गुमाएको थियो । खेलको ८९ औं मिनेटमा थियो हर्नान्डेजको क्रसलाई सदुपयोग गर्दै रियललाई असेन्सियोले गोल दिलाए । क्रिस्टियानो रोनाल्डो लगायतका पहिलो रोजाईका खेलाडीलाई जिदानले विश्राम दिएका थिए ।