काठमाडौं- नेपाल क्रिकेट संघ (क्यान) ले काठमाडौं मेयर कप एकदिवसीय पुरुष क्रिकेट प्रतियोगिताको खेल तालिका मंगलबार सार्वजनिक गरेको छ ।
क्याले मंगलबार विज्ञप्पती जारी गरेर प्रतियोगिताको तालिका सार्वजनिक गरेको हो । पहिलो पटक हुन लागेको प्रतियोगिताका लागि जारी गरेको तालिका अनुसार विभागीय टोली त्रिभुवन आर्मी क्लब र एपिएप क्लबबीच उद्घाटन खेल हुने भएको छ । सोही दिन नेपाल पुलिस क्लबर बागमती प्रदेशबीच मूलपानी क्रिकेट मैदानमा पनि हुनेछ ।
फागुन २२ बाट २९ गते सम्म हुने प्रतियोगिता कीर्तिपुर स्थित त्रिभुवन विश्व विद्यालयको मैदान र मुलपानी क्रिकेट मैदानमा हुनेछ । प्रतियोगितामा प्रधानमन्त्री कप क्रिकेटको सेमिफाइनलमा पुगेका त्रिभुवन आर्मी क्लब, एपिएफ क्लब, नेपाल पुलिस क्लब र बागमती प्रदेशको सहभागिता रहेको छ । एक टिम काठमाडौं मेयर–११ रहेको छ । राउण्ड रोबिनको आधारमा हुने प्रतियोगिताको शीर्ष दुई टोली फाइनलमा प्रवेश पाउनेछन् ।
प्रतियोगिता आयोजनाको लागि यस अघि नै क्यानले काठमाडौं महानगरपालिकासँग सम्झौता गरेको थियो । सम्झौता अनुसार काठमाडौं महानगरपालिकाले क्यानलाई ५० लाख उपलब्ध गराउने जनाएको छ । दुई किस्तामा काठमाडौं महानगरपालिकाले रकम प्रदान गर्ने प्रतिबद्धता जनाइसकेको छ ।
पोखरा-चौथो एबीसी राष्ट्रिय एट ए साइड ४५ प्लस भेट्रान्स कप २०८२ को उपाधि बगर भाइखलकले हात पारेको छ । पोखरा रंगशालामा शुक्रबार सम्पन्न फाइनल खेलमा आयोजक एबीसीलाई ४–० गोल अन्तरले पराजित गर्दै प्रतियोगिताको उपाधी जितेको हो । उपाधि…
पोखरा-पोखरा महानगरपालिकासँगको सहकार्यमा गण्डकी प्रादेशिक क्रिकेट संघ गण्डकीले आगामी बैंशाखमा महानगर कप क्रिकेट प्रतियोगिता गर्ने तयारी गरेको छ । प्रधानमन्त्री एकदिवसीय क्रिकेट प्रतियोगिताको लागि गण्डकी प्रदेश टिम जर्सी अनावरण गर्दै महानग प्रमुख धनराज आचार्यले आगामी बैशाखमा महानगर कप…