रोजर फेडेररलाई अष्ट्रेलियन ओपन, करियरको २० औं ग्राण्डस्लाम

- खेलाडी न्युज, पोखरा


     खेलाडी न्युज    
     माघ १४ गते २०७४ मा प्रकाशित


एजेन्सी(मेलबर्न)— टेनिसका लेजेण्ड स्वीस भेट्रान्स ३७ वर्षिय रोजर फेडेररले करियरको २० औं ग्राण्डस्लाम अन्तर्गत अष्ट्रेलियन ओपन जित्दै नयाँ इतिहास कोरेका छन् । छैैटौं बरियताका मरिन सिलिचलाई मेलबर्नको रड लेभर एरिनामा आईतबार ६—२, ६—७, ६—३, ३—६ र ६—१ को पाँचौ सेटमा पराजित गर्दै करियरको २० औं ग्राण्डस्लाम जिते । ३७ वर्षको उमेरमा उपाधि जित्ने उनी दोस्रो खेलाडी हुन् । सन १९७२ मा केन रसवालले ३७ वर्षकै उमेरमा ग्राण्डस्लामको उपाधि जितेका थिए ।

पाँचौ सेटमा फेडेररको दुई ब्रेक प्वाईन्ट सिलिचले गुमाए । अनफोस्र्ड एरर  हिर्काएपछि फेडेररले सेट सहजै लिए । अष्ट्रेलियन ओपनको सेमिफाईनलमा कोरियन खेलाडी ह्युन चुङ चोटग्रस्त हुदैं खेल त्यागेपछि फेडेरर फाईनल प्रवेश गरेका थिए । चुङ दोस्रो सेटमा घाईते हुन पुगेका थिए । फेडेररको यो छैटौं अष्ट्रेलियन ओपनको ट्रफी हो । पछिल्लो चारवर्षमा उनले खेलेको मुख्य पाँचवटा प्रतिस्पर्धामा मध्ये तीनवटा उनले जितेका हुन् । उनले जितपछि भने—‘उपाधि जित्ने सबैको सपना हुन्छ । जुन मेरो सपना आज साकार भएको छ ।’