बिहीबारदेखि बुद्धिचाल प्रतियोगिता

- खेलाडी न्युज, पोखरा


     खेलाडी न्युज    
     पौष २५ गते २०७४ मा प्रकाशित


पोखरा (खेलाडी न्युज) पुस २५ –पोखरामा कास्की जिल्लास्तरीय बुद्धिचाल प्रतियोगिता हुदैै छ । कास्की जिल्ला बुद्धिचाल संघको आयोजनामा पोखरा रंगशालामा बिहीबारदेखि हुने प्रतियोगिता नवौं संस्करण हो ।

प्रतियोगितामा विजेताले नगद १० हजार र साथमा ट्रफी पाउने छन् । पुष २९ गतेसम्म संचालन हुने प्रतियोगितामा दोश्रो हुनेलाई नगद ७ हजार, तेश्रोलाई ४ हजार चौथोलाई २ हजारका साथमा ट्रफी र प्रमाणपत्र प्रदान गरिने संघका अध्यक्ष कर्ण गुरुङले बताए । पाँचौदेखि १० औं स्थानसम्म आउने प्रतियोगीहरुलाई नगद १ हजार र प्रमाणपत्र प्रदान गरिने छ ।