खेलाडी न्युज,पोखरा २७ पुस- कास्की जिल्ला सेपाक ताक्रो संघले बिहीबार सम्मान गरेको छ । राखेप च्याम्पियनसिप अन्तर्गत काठमाडौंमा सम्पन्न सेपाक ताक्रोमा उपविजेता बन्दै फर्किएका खेलाडीलाई सम्मानपत्रबाट सम्मानित गरिएको हो । संघको पाँचौ साधारण सभाको अवसरमा रेगु इभेन्टमा उपविजेता बनेको खेलाडीलाई सम्मानित गरियो ।
पश्चिमाञ्चलबाट सहभागि भएका खेलाडीहरु सोममाया थापा मगर(कप्तान), लिजा गुरुङ, गेनिसा थापा मगर, तिर्सना सुुनुवार र बेनिका थाडामगर र प्रशिक्षक मोहन गुरुङलाई जिल्ला खेलकुद विकास समितिका अध्यक्ष यामबहादुर गुरुङले सम्मान गरेका हुन् ।
२०५८ सालबाट पोखरामा शुरुवात भएको सेपाक ताक्रो २०६४ सालमा राखेपमा विधिवत दर्ता भएको हो । सिंगापुरे लाहुेर बिदा मनाउन आउने क्रममा सेपाक ताक्रो खेल पोखरा भित्रयाएका हुन् । पोखराको अमरसिंह चोकमा खेल्न शुरु गरेपछि विस्तारहुदैं डेढदशकमै राष्ट्रियस्तरमा आफनो छवि बनाउन सफल भएको छ । पश्चिमाञ्चल टोलीले पुर्वाञ्चलमा सम्पन्न सातौ राष्ट्रिय खेलकुद प्रतियोगितामा महिला तथा पुरुष टिमले रेगु र डबल इभेण्टमा स्वर्ण र रजत पदक जितेको थियो ।
दर्ताको एक दशक वितेपनि सेपाक ताक्रोको प्रशिक्षण गराउने प्रशिक्षक कास्कीमा छैनन् । केन्द्रीय संघसँग आवश्यक प्रशिक्षक नियुक्त गर्न माग समेत साधारण सभामा गरिएको थियो । संघले पोखरा रंगशालाभित्र अहिले नियमित रुपमा प्रशिक्षण गराउँदै आएको छ । प्रत्येक विद्यालयमा सेपाक ताक्रोको प्रचारप्रसार तथा प्रशिक्षण समेत गराउने संघले जनाएकोछ ।
पोखरा-कास्की जिल्ला फुटबल संघले फिफा फुटबल फर दि स्कुल कार्यक्रम अन्तर्गत शनिबार दोस्रो चरणमा १७ विद्यालयलाई बल हस्तान्तरण गरेको छ । कास्की जिल्ला फुटबल संघको परिसरमा विभिन्न सरकारी १७ विद्यालयलाई तीन तीन वटा बल हस्तान्तरण गरिएको थियो ।…
पोखरा-पोखरा महानगरपालिकासँगको सहकार्यमा गण्डकी प्रादेशिक क्रिकेट संघ गण्डकीले आगामी बैंशाखमा महानगर कप क्रिकेट प्रतियोगिता गर्ने तयारी गरेको छ । प्रधानमन्त्री एकदिवसीय क्रिकेट प्रतियोगिताको लागि गण्डकी प्रदेश टिम जर्सी अनावरण गर्दै महानग प्रमुख धनराज आचार्यले आगामी बैशाखमा महानगर कप…