यु—१९ क्रिकेट विश्वकपमा पपुवान्युगिनी दशविकेटले पराजित

एजेन्सी(खेलाडीन्युज)-

यु- १९ विश्वकप क्रिकेट प्रतियोगिता अन्तर्गत जिम्बावेले पपुवा न्युगिनीलाई १० विकेटले पराजित गरेको छ । पपुवा न्युगिनीले दिएको ९५ रनको लक्ष्यलाई जिम्बावेले विना विकेटको क्षतिमा लक्ष्य पुरा गरेको थियो । माड्हार्भरेले ४४ बलको सामना गर्दै सर्वाधिक ५३ रनको योगदान दिएपछि जिम्बावेले १४ ओभरमै पुरा गरेको थियो । उनलाई जी डोलाररले पनि ४० बलमा ४१ रन बनाउँदैसाथ दिएका थिए ।

टस जितेर व्याटिङ गरेको पपुवा न्युगिनीले आईजे महुरुले सर्वाधिक २६ रनको इनिङ खेलेका थिए । अल सामले २४ रन, एसएच अरुवाले १८ र एसके अताईले १४ रन बनाए । चार व्याट्सम्यान शून्य रनमा आउट भए । अलराउण्डर प्रदर्शन गर्ने क्रममा माड्हार्भरेले चार ओभरमा एक मेडन राख्दै १९ रन खर्चिएर ३ विकेट लिए । एम सुम्भाले दुई विकेट लिए ।