अष्ट्रेलियन ओपनमा महिला शीर्ष खेलाडीलाई झट्का

- खेलाडी न्युज, पोखरा


     खेलाडी न्युज    
     माघ १ गते २०७४ मा प्रकाशित


एजेन्जी(खेलाडी न्युज)-अष्ट्रेलियको मेलबर्नमा आजबाट शुरुभएको टेनिसको ग्राण्डस्लाम मध्यको एक तथा २०१८ को पहिलो ग्राण्डस्लाम अष्ट्रेलियन ओपनको शुरुकै दिनमा महिला तर्फ शीर्ष खेलाडीलाई झट्का लागेको छ ।

महिला तर्फ टेनिसकी शीर्ष बरियताकी खेलाडी अमेरिकाकी भेनस विलियम्स अष्ट्रेलियन ओपनको पहिलो खेलबाटै बाहिरिएकी छिन् । उनी स्वीस खेलाडी बेलिण्डा बेन्सिकसँग पराजित हुन पुगिन् । मेलबर्न स्थित रोड लाभेर एरिनामा भएको खेलमा बेन्सिकले विलियम्सलाई ६—३, ७—५ को सेट निकाल्दै दोस्रो चरणमा प्रवेश गरिन । टेनिस करियरमा पाँचौ भेटमा विलियम्समाथि सनसनीपूर्ण जित निकालिन् ।

यसैगरी मार्गरेट एरिनामा भएको अर्को खेलमा चिनिया खेलाडी एस झाङले अमेरिकाकी एस स्टेफन्सलाई पराजित गरिन् । तेस्रो सेटमा जित निकाल्दै चिनियाँ खेलाडी दोस्रो चरणमा प्रवेश गरिन् । पहिलो सेट २—६ को अवस्थामा गुमाएकी झाङले दोस्रो सेट ट्राईब्रेकरमा लिईन । ७—६ को स्थितिमा लिदैं सेट बराबरी गरेकी चिनियाँ खेलाडीले अन्तिम सेटको चुनौतिलाई ६—२ को स्थितिमा टुग्याईन् ।