पोखरामा भेट्रान्स बास्केटबल, ठमेलद्वारा पर्वत पराजित

- खेलाडी न्युज, पोखरा


     खेलाडी न्युज    
     फागुन ३ गते २०७४ मा प्रकाशित


पोखरा(खेलाडी न्युज)-कास्की जिल्ला बास्केटबल संघको आयोजनामा आजदेखि ‘दोश्रो टिभिएस आरटिआर राष्ट्रिय भेट्रान बास्केटबल प्रतियोगिता’ शुरु भएको छ । पोखरा रंगशालास्थित बास्केटबल कोर्टमा शुरुभएको खेलमा एक्स एबीसीलाई पुन समाज पोखराले ८०—६८ स्कोरले पराजित गरेको छ । त्यसैगरी अर्को खेलमा पर्वतलाई ठमेल काठमाडौंले ६३—४३ को स्कोरमा पराजित गरेको छ ।

बतास ब्रदर्श प्रालिको मुख्य प्रायोजनमा सञ्चालित प्रतियोगिता लिगकम नकाउटको आधारमा खेलाईएको छ । पोखराका चार टिम सहभागि छन् । पश्चिमाञ्चल भुपु सैनिक, एक्स एबीसी, पुन समाज र कास्की जिल्ला बास्केटबल संघको टिम सहभागि छ । त्यसैगरी पर्वत, तनहुँ, किर्तिपुर र ठमेलको टोली बाहिरी जिल्लाबाट गरी ८ टोलीको सहभागि रहेको प्रतियोगिता संयोजक नारायणप्रसाद शर्माले जानकारी दिए । प्रतियोगिताको विजेताले ५५ हजार ५ सय ५५ र उपविजेताले ३३ हजार ३ सय ३३ रुपैयाँ नगदसहित ट्रफी पदक तथा प्रमाणपत्र पाउने छ ।