फाईनलमा कप्तान खड्काको शतक, युएईसँग सात रनले पराजित

- खेलाडी न्युज, पोखरा


     खेलाडी न्युज    
     फागुन ३ गते २०७४ मा प्रकाशित


पोखरा(खेलाडी न्युज) नेपाल आईसिसी विश्व क्रिकेट लिग डिभिजन २ को उपविजेता बन्दै टुग्याएको छ । कप्तान पारस खड्काले प्रतियोगितामा पहिलो शतक हानेपनि जित उन्मुख हुनबाट भने जोगिएन् । अन्तिम बलमा १४ रनको खाँचो थियो । तर उनले छक्का हिर्काउँदै नटआउट ११२ रन हिर्काए । निकै सुझबुझपूर्ण र धैर्यपूर्ण व्याटिङ गरेपनि उनको शतक भने ओझेलमा प¥यो । तर कप्तानी भूमिका भने अन्तिम खेलमा उनले देखाई छाडे । उपविजेता बन्दै जिम्बावेमा हुने विश्वकप क्रिकेट छनोट प्रतियोगितामा उपविजेताको हैसियतले सहभागिता जनाउने छ ।

कप्तान खड्काले १०३ बल खेल्दै ११२ रनमा अविजित रहे । उनले प्रतियोगिताकै सर्वाधिक ८ छक्का हिर्काए । तीन चौका समेत उनको खातामा रह्यो । लिगमा भने युएईलाई पराजित गर्दै नेपालले महत्वपूर्ण २ अंक जोड्दै विश्वकप छनोटको लागि बाटो सहज बनाएको थियो । तर फाईनलमा पराजित गर्दै युएईले बदला भने लियो ।

अन्य खेलमा खासै चल्न नसकेका ओपनर ज्ञानेन्द्र मल्लले लिग डिभिजन २ को फाईनलमा भने सुधारोन्मुख व्याटिङ देख्न पाईयो। उनले २४ रन बनाए । जुन प्रतियोगिताको सर्वाधिक रन पनि थियो उनको । दिलिप नाथ पनि व्यक्तिगत १३ रनमा आउट भएपछि कप्तान पारस खड्काले नेपालको इनिङ सम्हालेका थिए । दिपेन्द्रसिंह ऐरी र कप्तान खड्काले राम्रो साझेदारी गरिरहँदा ऐरी हायडरको बलमा आउट हुन पुगे । ऐरीले ३५ रन बनाएका थिए । कप्तान पारसले शरद भेषवाकरसँग चौथो विकेटको लागि ६३ रनको साझेदारी गरे । भेषवाकर पनि ३० रनमा आउट हुदैं पवेलियन तर्फ लागे । उनी अमिर हायातको बलमार इमरान हायडरको हातबाट क्याच भए । हायडरले आरिफ शेखलाई पनि सस्तैमा पवेलियनको बाटो देखाए । शेखले केवल ७ रन मात्रै बनाई खेलिरहेका थिए । रोहित कुमार पौडेल पनि हायातको बलमा आउट भए । उनले नेपालका लागि २३ रन जोडे । करण केसी २ र सोमपाल कामी भने ६ रनमा पवेलियन फर्किएपछि क्रिजमा बसन्त रेग्मी रहे । उनले पनि कप्तानलाई साथ दिदैै अन्तिम समयसम्म टिके । खातामा भने ५ रन जोडे ।

टस जितेर व्याटिङ रोजेको युएईले आसफाक अहेमदको ११४ रनको शतकीय पारीमा चार विकेटको क्षतिमा २७७ रनको फराकिलो स्कोरको चुनौति नेपाललाई दियो । रोहन मुस्तफालाई बसन्त रेग्मीले पहिलो विकेट लिदाँ उनी व्यक्तिगत अर्धशतक पुरा(५१ रन) गरिसकेका थिए । त्यस्तै गुलाम साब्बर १८ रनमा सन्दीपले रन आउट गराउँदा सायमान अन्वारले ४० रनको योगदान दिए । रमेज शाहजादले ४१ रन नटआउट हिर्काए । म्यान अफ दि म्याच भने आसफाक अहेमद भए ।