सन्दीपको लिग डिभिजन २ को प्लेयर अफ दि टुर्नामेन्ट

- खेलाडी न्युज, पोखरा


     खेलाडी न्युज    
     फागुन ३ गते २०७४ मा प्रकाशित


पोखरा(खेलाडी न्युज)—आईपिएलको तयारीमा रहेको नेपाली बलर सन्दीप लामिछाने आईसिसी विश्व क्रिकेट लिग डिभिजन २ को प्लेयर अफ दि टुर्नामेन्ट घोषित भएका छन् । प्रतियोगिता अवधिमा १७ विकेट लिएको उनलाई प्लेयर अफ दि टुर्नामेन्ट घोषित हुदैं ट्रफी पाए । लिग चरणमा १६ र फाईनलमा एक विकेट लिएका हुन् ।

आईसिसी विश्व क्रिकेट लिग डिभिजन २ मा पाँच खेलमा उनले १ट विकेट लिएका थिए । आफनो बलिङ छवि देखाउँदै सर्वाधिक विकेट लिने खेलाडी घोषित भएका हुन् । दिल्ली डेयर डेभिल्सबाट भारतीय प्रिमियर लिग(आईपिएल) खेल्ने तयारीमा रहेको उनले लिग डिभिजनमा जादुमयी बलिङलाई कायमै राखेका छन् । २० लाख भारुमा दिल्ली डेयर डेभिल्सले लियो । आईपिएल खेल्ने पहिलो नेपाली क्रिकेटर बनेका सन्दीपको खेललाई भने दिल्लीले नजिकैबाट नियालिरहेको छ । अदभूत प्रदर्शन भन्दै सन्दीपको चर्चा समेत गरिसकेको छ ।

सन्दीपले नामिविया विरुद्धको खेलमा ८ ओभर २ बल फ्याँक्दै २ मेडन राखे । केवल १८ रन दिदैं ४ विकेट लिए । जुन खेलमा नेपालले जितको लागि उनी निर्णायक बने । म्यान अफ दि म्याचको हकदार समेत भए । दोस्रो खेल नेपालले ओमान विरुद्ध खेल्यो । ओमान विरुद्ध सन्दीपले दश ओभर बलिङ गरे । २९ रन खर्चिए । हातमा केवल २ विकेट मात्रै प¥यो । उनले दुई विकेट लिएको खेलमा नेपाल भने ४ विकेटले पराजित भएको थियो ।

तेस्रो खेल नेपालले युएईसित खेल्यो । पानीले ढिलो गरी शुरु भएको खेल केवल ३४ ओभरमा खेलाईएको थियो । सन्दीपले ७ ओभर बलिङको मौका पाए । १ मेडन राखे । ३० रन दिदैं ३ विकेट लिन सफल भए । तर उनको सबैभन्दा उत्कृष्ठ प्रदर्शन भने केन्या विरुद्ध रह्यो । १० ओभर बलिङ गर्दा ५ मेडन नै राखे । महत्वपूर्ण विकेट लिने क्रममा उनले ५ विकेट लिए । रन भने उनले २० मात्रै दिए । क्यानडासँगको लिगचरणको अन्तिम खेलमा भने सन्दीपले दुई विकेट मात्रै हात पारे । युएईसँगको फाईनल खेलमा भने सन्दीपले १ विकेट मात्रै लिए । उत्कृष्ठ खेलाडीको रुपमा आफुलाई प्रष्ट्याए । जसले उनलाई आईपिएलमा आफनो खेल देखाउने अवसर पाउने आशा र विश्वास क्रिकेट प्रेमीले गरेका छन् ।

तस्वीर रमन शिवाकोटी