रियलको आखाँ युनाईटेडका पोग्बामाथि

- खेलाडी न्युज, पोखरा


     खेलाडी न्युज    
     फागुन ४ गते २०७४ मा प्रकाशित


एजेन्सी—रियल मड्रिडले म्यानचेष्टर युनाईटेडका मिडफिल्डर पाउल पोग्बालाई भित्रयाउने चाहना राखेको छ । पाँच वर्षे सम्झौतामा रहेका पउल पोग्बाको अझै युनाईटेडसँग तीन वर्ष बाँकी छ । यद्यपी रियलले पोग्बालाई अर्को सिजनमा बर्नबेउ भित्रयाउन आन्तरिक गृहकार्य गरिरहेको छ । पोग्बालाई भित्रयाउन रियलले १२० मिलियन पाउण्डको प्रस्ताव गर्ने राख्ने जनाएको छ ।

युनाईटेड व्यवस्थापक जोसे मोरिन्होले पोग्बालाई युभेन्ट्सबाट युनाईटेड भित्र्याएका थिए । उनलाई युनाईटेडले ८९ मिलियन पाउण्ड खर्च गरेको थियो । पाँच वर्षको लागि भित्रिएको पोग्बाको अझै तीन वर्ष सम्झौता छ । युनाईटेडले प्रिमियर लिगमा खासै प्रभाव देखाउन सकिरहेको छैन् । उता रियलले पनि ला लिगामा भने बार्सिलोना भन्दा धेरै नै पछाडि परेको अवस्था छ । त्यसैले अर्को सिजन उत्कृष्ठ बनाउने उद्देश्य राख्दै पोग्बालाई भित्रयाउने तयारी योजना बनाएको हो । २४ वर्षिय फ्रान्सेली प्लयेर पोग्बाले गत सिजन दुई ट्रफी जितेका थिए ।