मदन भण्डारी स्पोर्टस एकेडेमीद्वारा सम्मान

- खेलाडी न्युज, पोखरा


     खेलाडी न्युज    
     फागुन ९ गते २०७४ मा प्रकाशित


पोखरा(खेलाडी न्युज)— विश्वकप क्रिकेट लिग डिभिजन १ मा नेपाललाई उकाल्न महत्वपूर्ण योगदान दिएका क्रिकेटर करण केसीलाई बुधबार मदन भण्डारी स्पोर्टस एकेडेमीले नगद हस्तान्तरण गर्दै सम्मान गरेको छ ।

विश्वकप क्रिकेट लिग डिभिजन २ मा क्यानडा विरुद्धको अन्तिम खेलमा चमात्कारिक व्याटिङ गर्दै नेपाललाई जित दिलाउन महत्वपूर्ण भूमिका खेलेका २६ वर्षिय करणलाई नगद १५ हजारसहित सम्मान गरिएको हो । स्पोर्टस एकेडेमी प्रदेश नं ४ का इन्चार्ज राजेश गुरुङले नगद हस्तान्तरण गरे । पश्चिमाञ्चल क्षेत्रीय खेलकुद विकास समितिले आयोजना गरेको कार्यक्रममै गुरुङले करणलाई नगद हस्तान्तरण गरेका थिए ।

गुरुङ राष्ट्रिय खेलकुद परिषदका पुर्व केन्द्रीय सदस्य समेत हुन् । गुरुङले केहीदिनपछि जिम्बावेमा हुने विश्वकप छनोटको लागि प्रस्थानको तयारी गरिरहेको करणलाई अझ उत्कृष्ठ प्रदर्शन दोहो¥याउन शुभकामना समेत दिए । करणले सम्मानपछि खेलकुदले गरेको सम्मानले हौसला र प्रेरणा मिलेको बताए ।