पोखरा-यही असार १३ गते अन्तराष्ट्रिय श्रवणदृष्टिविहीन दिवसको अवसरमा श्रवणदृष्टिविहीन संघ पोखराले पाँच किलोमिटर खुल्ला महिला तथा पुरुष दौड आयोजना गर्ने निर्णय गरेको छ ।
श्रवणदृष्टिविहीन प्रति समाजमा जनचेतना अभिबृद्धि गर्ने उद्देश्यले पहिलो पटक महिला तथा पुरुष दौड आयोजना गर्ने तयारीमा गरेको हो । संघका अध्यक्ष पुष्पराज रिमालले श्रवणदृष्टिविहीनता सम्बन्धी बुझाई बृद्धि गर्न पाँचकिलोमिटर दौड आयोजना गरिएको स्पष्ट पारे ।
पोखराको सृजनाचोकबाट शुरु भई दौड रत्नचोक, राष्ट्रिबैंक चोकहुदैं ड्यामसाईड पुगेर ड्यामसाईडबाट पार्दीमाथि मुस्ताङचोक हुदैं पृथ्वीचोक, सृजनाचोकस्थित साईमन पार्टी प्यालेसमा पुगेर समापन हुने छ ।
दौडमा विजेता महिला तथा पुरुष धावकले ७ हजार ५ सय र उपविजेता धावकले ५ हजार तथा तेस्रो स्थानमा रहने धावकले भने नगद २ हजार पाँच सय रुपैयाँ प्राप्त गर्ने छन् । प्रतियोगिताको लागि ३ लाख रुपैयाँ खर्च हुने अनुमान गरिएको छ । दौडमा ४० वर्षमाथिको उमेर समूहको विजेतालाई पनि आकर्षक पुरस्कार प्रदान गर्ने श्रवणदृष्टिविहीन संघ पोखराले जनाएको छ ।
पोखरा-पोखरा विश्वविद्यालय अन्तर्गतको पोखरा विश्वविद्यालय फुटबल क्लबले जेष्ठ २९ गतेदेखि असार ५ गतेसम्म भण्डारढिक खेल मैदान, लेखनाथमा पोखरा विश्वविद्यालय सुपरकप फुटबल प्रतियोगिता–२०८३ को तेस्रो संस्करण आयोजना गर्ने भएको छ । क्लबका अध्यक्ष बिमान प्रधान का अनुसार प्रतियोगिताको विजेता…