दृष्टिविहीन महिला क्रिकेटमा प्रदेश ४ लाई सिरिजमा अग्रता

पोखरा(खेलाडी न्युज)— पोखरा रंगशालामा आयोजित प्रदेशस्तरीय महिला दृष्टिविहीन क्रिकेट प्रतियोगिताको पहिलो दिन प्रदेश नं ४ ले सात विकेटले पराजित गर्दै टी—२० को सिरिज १—० अग्रता लिएको छ । टस जितेर व्याटिङ गरेको प्रदेश नं १ ले १०८ रन बनाएको थियो । २० ओभरमा वि३ दिपेश गुरागाँईले ४ चौका र विमलार राईको ३६ रनको महत्वपूर्ण योगदान रह्यो । प्रदेश नं ४ की बलर वि१ रिता थापाले २, बी३ बलर भगवती भट्टराईले २ र वि२ भगवती अम्गाई र सरिता घिमिरेले १—१ विकेट लिन सफल भईन् ।

१०९ रनको लक्ष्यलाई प्रदेश नं ४ ले ३ विकेटको क्षतिमा पुरा गर्दै सिरिजमा अग्रता कायम ग¥यो । बी३ विनिता पुनले २४ बलमा ५ चौकाको मद्दतमा ४१ रनको इनिङ खेल्दै जितको आधार तयार पारिन् । भगवती अम्गाईको २२ रनको योगदानमा केवल १३ ओभरमै तीन विकेटको क्षतिमा लक्ष्य पुरा ग¥यो । विनिता पुन म्याच अफ दि वुमन घोषित भईन् । नेत्रहीन क्रिकेट संघको आयोजना र विलिस फाउण्डेशन फिनल्याण्डको सहयोगमा आयोजनामा सञ्चालित प्रतियोगिताको दोस्रो खेल मंगलबार हुने छ ।