किरणको उत्कृष्ठ प्रदर्शनमा मिर्नेवा आईलिगको शीर्षस्थानमा

पोखरा(खेलाडी न्युज)—नेपाली फुटबलका राष्ट्रिय गोलकिपर किरण चेम्जोङको मिर्नेभा पन्जाब भारतीय प्रिमियर लिगको शीर्षस्थानमा उक्लिएको छ । सोमबार एज्वाल एफसीलाई २—० गोलले पराजित गर्दै ३२ अंकसहित आईलिगको शीर्षस्थानमा उक्लिएको हो ।

पञ्जाबले खेलको ५१ औं मिनेटमा लिएको अग्रतालाई खेलको अतिरिक्त समयको अन्तिम मिनेटमा अर्को गोल थप्दै जित सुनिश्चित बनायो । आकाश साङवानले गोल गर्दै मिर्नेभालाई अग्रता दिलाए । चेन्को ग्याल्थेनको पासमा डिबक्स लाईन नजिकैबाट हानेको सट पोष्टभित्र छिरेपछि शीर्षस्थान पक्का गर्ने तर्फ लम्किएको थियो । ९०+६ मिनेटमा बाजी अर्माण्डले विलियन ओपोकु एसाइडुको पासलाई सदुपयोग गर्दै गोल गरेपछि मिर्नेभाको शीर्षस्थान पक्का भयो । किरणले एज्वल एफसीका खेलाडीको प्रहारलाई बचाउ गर्दै उकृष्ठ प्रदर्शन गरेका थिए । एजेन्सीको सहयोगमा