अन्तराष्ट्रिय क्रिकेटमा खानले बनाए सबैभन्दा कम उमेरको कप्तानको किर्तिमान

- खेलाडी न्युज, पोखरा


     खेलाडी न्युज    
     फागुन २१ गते २०७४ मा प्रकाशित


Afghanistan's Rashid Khan

पोखरा(खेलाडी न्युज)—मोहम्मद रसिद खानले विश्वकप छनोट अन्तर्गत सबैभन्दा कान्छो कप्तान बन्ने सौभाग्य पाउँदा अन्तराष्ट्रिय क्रिकेटको एक दिवसियमा किर्तिमान उनको नाममा लेखिएको छ । १९ वर्ष १६५ दिनका खान वान डे इन्टरनेशनलमा सबैभन्दा कम उमेरमा कप्तानी सम्हाल्ने सूचीमा किर्तिमान बनेको हो । उनले १४ वर्षपछि सबैभन्दा कम उमेरको कप्तान बन्ने सौभाग्य पाएका हुन् । १४ वर्ष अघि सबैभन्दा कम उमेरमा कप्तानी सम्हाल्ने किर्तिमान भने बंगलादेशी खेलाडी रजिन सलाहको नाममा थियो ।

खान वान डे इन्टरनेशनल र टी-२० मा शीर्षस्थानका बलर समेत हुन् । स्कटल्याण्ड विरुद्ध मार्च ४ २०१८ मा अफगानिस्तानको कप्तानी सम्हालेका रसिद खानले भने किर्तिमानलाई सुखद भने पाउन सकेनन् । अफगानिस्तान स्कटल्याण्डसँग विश्वकप छनोट अन्तर्गत स्कटल्याण्डसँग सात विकेटले पराजित भएको थियो ।

अफगानिस्तानले स्कटल्याण्डलाई जितको लागि २५६ रनको लक्ष्य दिएको थियो । स्कटल्याण्डले ४७ ओभर २ बलमा तीन विकेटको क्षतिमा लक्ष्य पुरा गरेको थियो । कलुम म्याकल्याडले १५७ रनको पारी खेलेपछि स्कटल्याण्डले सहजै लक्ष्य पुरा गरेको थियो । रिच ब्रिङटनले ६७ रनको योगदानमा कलुमसँग २०८ रनको साझेदारी गरेका थिए । अफगास्तिानका नावीले ९२ र नजीवुुल्ला जादरानले ६७ रनको महत्वपूर्ण योगदान दिएका थिए ।

खान भन्दा अघि सबैभन्दा कम उमेर अन्तराष्ट्रिय क्रिकेटमा कप्तानी सम्हाल्ने बंगलादेशी खेलाडी रजिन सलाह थिए । उनले २० वर्ष २९७ दिनको उमेरमा दक्षिण अफ्रिका विरुद्ध टिमको कप्तानी सम्हालेका थिए । उनले सन २००४ सेप्टेम्बर १२ मा दक्षिण अफ्रिका विरुद्धको खेलमा टिमको नेतृत्व लिएको आईसिसीको तथ्यांकले देखाएको छ ।