थ्री स्टार सेमिफाईनलमा, भोलि सहाराले मनाङ मस्र्याङ्दीको सामना गर्दै

- खेलाडी न्युज, पोखरा


     खेलाडी न्युज    
     फागुन २१ गते २०७४ मा प्रकाशित


झापा(खेलाडी न्युज)—एपीएफलाई पराजित गर्दै रुस्लान थ्री स्टारले झापा गोल्डकपमा केही दिन अघि विकास रनिङशिल्डमा भोगेको हारको पीडालाई शक्तिमा बदलेको छ । उस्तै नजितामा एपीएफसँग पराजित हुदैं उपविजेता चिक्त बुझाएको रुस्लान थ्री स्टारले एपीएफलाई १—०कै नजितमा हराउँदै अन्तिम चारमा आफनो स्थान सुरक्षित गर्यो । थ्री स्टारको जितमा अजायी मार्टिन्सको गोल निर्णायक भएको थियो ।

मार्टिन्सले दोस्रो हाफको १२ औं मिनेट(खेलको ५७ औं मिनेट)मा गोल गर्दै दिलाएको अग्रता सेमिफाईनल पुग्ने ढोका उघारियो । गोलकिपरले बचाउ क्रममा लडेपछि भलि हिर्काउँदै बललाई पोष्टभित्र छिराउँदै जालीको सम्पर्कमा पुर्याए । उनको गोलमा थ्री स्टारले सेमिफाईनलको यात्रा तय गर्यो । गोलको अवसर भने सुनिल बलले क्रस पास मिलाईदिएका थिए । थ्री स्टारले पनि एपीएफको केही महत्वपूर्ण अवसरलाई बचायो ।

२४ औं मिनेटमा हरि कार्कीले प्रहारलाई थ्री स्टारका गोलकिपरले गोललाईनबाट जोगाउँदै थ्री स्टारलाई गोलको दबावबाट मुक्त बनाए । खेलमा म्यान अफ दि म्याच बनेका मार्टिन्सले नगद २५ हजार रुपैयाँ पाए । मोफसलकै सर्वाधिक पुरस्कार राशीको गोल्डकपको विजेताले १२ लाख ५१ हजार र उपविजेताले ६ लाख रुपैयाँ पाउने छ । मंगलबार गोल्डकपको अर्को क्र्वाटरफाईनलमा मनाङमस्र्याङ्दीले सहारा क्लबसित खेल्ने छ । फोटो फाईल