अफगानिस्तान सामु १९५ रनको चुनौति

- खेलाडी न्युज, पोखरा


     खेलाडी न्युज    
     फागुन २६ गते २०७४ मा प्रकाशित


पोखरा(खेलाडी न्युज)—कप्तान पारस खड्काले कप्तानी जिम्मेवारी सम्हाल्दै नेपालको इनिङ्समा महत्वपूर्ण ७५ रनको योगदान दिदाँ नेपालले अफगानिस्तानलाई १९५ रनको लक्ष्य दिएको छ । उनले ८२ बल खेल्दै ७५ रन जोड्दा १० चौका र एक छक्का हिर्काएका थिए । कप्तान खड्काले नवौ ओभरमा दुई चौका र एक छक्का हान्दै रनरेट उकासे । त्यसपछि केही आक्रामक व्यटिङ गर्दै उत्कृष्ठ इनिङ खेले ।

नेपालका ओपनर ज्ञानेन्द्र मल्ल २३ रनमा आउट भए । विकेट जोगाउँदै कप्तान पारस खड्कालाई साथ दिईरहेको अवस्थामा २६.१ ओभरमा ६९ बल खेल्दै पवेलियन फर्किए । नेपालले पहिलो विकेटको रुपमा अनिल साहलाई ७ रनमै गुमाएको थियो । रोहितकुमार पौडेल एक रनमै पवेलियन फर्किए । त्यसैगरी दिपेन्द्रसिंह ऐरीले पाँचौ विकेटको लागि आरिफ शेखसित महत्वपूर्ण साझेदारी गर्दै रन जोडे । दिपेन्द्र सिंह ऐरीले ४१ बलमा ३२ रन जोड्दा ३ चौका र एक छक्का हिर्काए । उनी अफगानी कप्तान रसिद खानको बलमा आउट भए । आरिफले ३४ बलमा २३ रन जोड्ने क्रममा तीन चौका हाने । ४५ औं ओभरमा नेपालले सोमपाल कामी र आरिफ शेखलाई गुमायो । सोमपाल १५ बल खेल्दै ९ रनमा पवेलियन फर्किए ।

आजको खेल दुवैको लागि निकै महत्वपूर्ण छ । नेपालले वान डेमा अफगानिस्तानलाई पराजित गर्न सकेको भने छैन् । तर उनका भरपर्दा व्याट्सम्यान मोहम्मद शहजादलाई आईसिसीले विश्वकप क्रिकेट छनोटको दुई खेलमा प्रतिबन्ध लगाएको छ । जहाँ नेपाली टोलीले फाईदा लिन सक्नुपर्छ । आज शरद भेषवाकरलाई बेन्चमा राखिएको छ । भने करण केसीलाई टोलीमा समावेश गरिएको छ ।

अफगानिस्तान क्रिकेटको एकदिवसिय बरियतामा ११ औं स्थानमा छ । टी—२० को बरियता भने नवौंमा रहेको छ । नेपाल र अफगानिस्तान बीच एकापसी परिचित प्रतिस्पर्धी हुन् । नेपालले २०१४ मा अफगानिस्तानलाई टी—२० मा पराजित गरेको थियो । नेपालले दिएको १४१ रनको लक्ष्यलाई अफगानिस्तान १३२ रनमा समेट्दै ९ रनले जितेको थियो ।

सन २००६ मा आईसिसी ट्रफीमा तेस्रो स्थानको प्ले अफ फाईनलमा नेपाल डकवर्थ लुईस अनुसार ६४ रनले पराजित भएको थियो । त्यस्तै सन २००८ मा आईसिसी डब्लुसिएल डिभिजन ५ सेमिफाईनलमा ३७ रनले पराजित हुन पुग्यो । २००८ कै एसीसी ईलाइट ट्रफीको तेस्रो स्थानको प्रतिस्पर्धामा अफगानिस्तान ३ विकेटले विजयी भएको थियो । २०१० मा पनि एसीसी इलाइट ट्रफी फाईनलमा ९५ रनले विजयी भएको थियो । २०१३ र २०१४ मा दुवै पटक डिएल अनुसार ३ र १०८ रनले पराजित भएको इतिहास छ ।