अफगानको तेस्रो विकेट झर्यो, करण, सन्दीप र दिपेन्द्र लिए विकेट

पोखरा(खेलाडी न्युज)—१९५ रनको लक्ष्य पछ्याईरहेको अफगानिस्तानले दोस्रो विकेट गुमाएको छ । पहिलो विकेटको रुपमा आफना कप्तान रसिद खानलाई गुमाएको थियो । उनी करण केसीको बलमा आउट भएका थिए । उनले २१ रन बनाए । केसीले तेस्रो अ‍ोभर बलिङ गर्ने क्रममा एकबल डट खेलेपछि दोस्रो बलमा खान आउट भए । दोस्रो विकेट भने सन्दीप लामिछानेले लिए । जावेद अहमेदीलाई क्याच आउट गरे । जावेद ५४ बल खेल्दै २६ रन जोडेका थिए । दिपेन्द्रसिंह ऐरीले अर्धशतक पुरा गर्न चार रन बाँकी रहदाँ रहमत शाको विकेट लिएका छन् । उनले ७५ बल खेल्दै ४६ रन बनाएका थिए ।

अफगानिस्तान क्रिकेटको एकदिवसिय बरियतामा ११ औं स्थानमा छ । टी—२० को बरियता भने नवौंमा रहेको छ । नेपाल र अफगानिस्तान बीच एकापसी परिचित प्रतिस्पर्धी हुन् । नेपालले २०१४ मा अफगानिस्तानलाई टी—२० मा पराजित गरेको थियो । नेपालले दिएको १४१ रनको लक्ष्यलाई अफगानिस्तान १३२ रनमा समेट्दै ९ रनले जितेको थियो ।