सन्दीपको स्पीनमा खान एलबी डब्लुको शिकार,लिए तीन विकेट

पोखरा(खेलाडी न्युज)—व्याटबाट निस्कने रन रोक्दै हङकङी व्याट्म्यानलाई दबावमा राखेका नेपाली बलरले भने अतिरिक्त रन भने चार व्याट्सम्यानले बनाएको भन्दा धेरै खर्चिएका छन् । छ वाईड, चार बाई र पाँच लेगबाई फाल्दै १५ रन अतिरिक्त थपिदिए । जसले हङकङको रनरेट सकारात्मक बन्न पुग्यो ।

बसन्त रेग्मी र सन्दीप लामिछानेले हङकङको रन रेट रोक्न निकै टेवा पुर्याए । सन्दीपले तीन विकेट लिदाँ २ मेडन राखे । आठ ओभर बलिङ गर्दै १३ रन खर्चिए । रेग्मीले ४ मेडन ओभर फाले । दुवैको इकोनोमी पनि दुई भन्दा कम छ । बसन्तले क्रिष्टोफर कार्टरलाई बोल्ड गरे । दोस्रो विकेट उनले तानविर अफजलको लिएका थिए । सन्दीले अजेज खानलाई ३ रनमा एलबी डब्लुको धरापमा पारे ।

लामिछानेले पनि अन्सु रथ र शसिद वासिफलाई पवेलियनको बाटो देखाए । ४७ रनमा बनाएका निजाकट खानलाई भने ललित राजवंशीले कप्तान पारस खड्कको हातबाट क्याच आउट गरिदिए । क्रिजमा लामो समय जमेर हङकङको रन उकासेका निजाकट खानको महत्वपूर्ण विकेट झरेको छ । ललित राजवंशीले उनलाई अर्धशतक पुरा गर्न तीन रन बाँकी हुदाँ ४७ रनमा आउट गरे । कप्तान पारसको हातबाट क्याचआउट भएपनि नेपालले महत्वपूर्ण ६ विकेट लिएको छ । बसन्त रेग्मीले हङकङको सातौ विकेट लिने क्रममा तानविर अफजललाई १० रनमा पवेलियनको बाटो देखाए । अफजलको व्याट्बाट फुत्किएको बल ऐरीको हातमा पुग्यो । क्याचआउटको शिकार भए । मन्दिप सिंहलाई दिपेन्द्रसिंह ऐरीले पहिलो ओभरको बलिङको तेस्रो बलमा विकेट लिए ।