सिटीलाई प्रिमियर लिग उपाधिको लागि दुईखेल बाँकी

- खेलाडी न्युज, पोखरा


     खेलाडी न्युज    
     फागुन २९ गते २०७४ मा प्रकाशित


एजेन्सी—म्यानचेष्टर सिटी इग्लिस प्रिमियर लिगको उपाधि नजिक पुगेको छ । अब केवल दुईजितले उपाधि पक्का गर्ने छ । प्रशिक्षक पेप ग्वार्डिओलाको प्रिमियर लिगको उपाधि भने पहिलो हुने छ । सिटीले स्टोकसिटीलाई २—० गोलले पराजित गर्दै अंक तालिकामा १६ अंकको अग्रतालाई निरन्तरता दिएको छ । ८१ अंकसहित उपाधि निकट पुगेको सिटीले अब दुई खेल जितेमा यो सिजनको प्रिमियर लिगको उपाधि आफनो नाममा लेखाउने छ ।

डेविड सिल्भाको दुवै गोलमा स्टोकलाई सिटीले पराजित गर्यो । १० औं मिनेटमा रहिम स्टर्लिङको पासमा सिल्भाले गोल गर्दै सिटीलाई दिलाएको अग्रता ५० औं मिनेटमा दोब्बर बनाउँदै जित सुनिश्चित बनाए । दोस्रो गोल उनले ग्राबियल जेससको पासलाई सदुपयोग गरे । दोस्रो स्थानको म्यानचेष्टर युनाईटेड ३० खेलबाट ६५ अंकसहित दोस्रो स्थानमा छ । अब सिटीले एभर्टन र त्यसपछि म्यानचेष्टर युनाईटेडसँग खेल्ने छ । डर्बी म्याचमै उपाधि जित्ने अवसर सिटीलाई रहेको छ ।