आर्मीमाथि मनाङ मस्र्याङ्दीका रवाफिलो जित

- खेलाडी न्युज, पोखरा


     खेलाडी न्युज    
     फागुन २९ गते २०७४ मा प्रकाशित


बुटवल(खेलाडी न्युज)—दशजनामा खेल टुग्याएको मनाङ मस्र्याङदीले नेपाल आर्मीमाथि रवाफिलो जित निकाल्दै तिलोत्तमा गोल्डकपको अन्तिम चारको स्थान पक्का गर्यो । डोना थापालाई झण्डै आधा घण्टा अघि गुुमाएको मनाङ मस्र्याङ्दीले आर्मीमाथि ३—० गोलले पराजित गर्दै मोफसलका अन्य ठाँउमा पराजित भएको पीडालाई भुल्यो ।

आठौं उपाधिको लागि २० औं तिलोत्तमा गोल्डकप पुगेको आर्मीलाई भने मनाङमस्र्याङ्दीले रोकेको छ । मंगलबार भएको अन्तिम क्र्वाटरफाईनलमा मनाङले आर्मीलाई ३—० गोलले अन्तरले पन्छाउँदै अन्तिम चारको स्थान सुरक्षित गर्यो । मनाङको डोना थापा ले खेलको ३५ औ र ६७ मिनेटमा पहेलो कार्ड पाएसंगै रातो कार्ड पाएर बाहिरिएपछि मनाङले निर्धारित समय दशजनामै टुग्यायो । थापाले आर्मीका खेलाडीलाइ मुक्का हाने पछि रेफ्रीले रातो कार्ड दिएका हुन ।

मनाङका तर्फवाट खेलको ४१ औ र ८३ औ मिनेटमा विशाल राईले गोल गरे भने ईन्जुरी समयमा विदेशी खेलाडी भिक्टरले गोल गर्दै जित सुनिश्चित बनाए । राईले पहिलो गोल डोना थापाको कर्नर पासलाई सदुपयोग गरेका थिए । तर उनी दोस्रो हाफमा मैदान बाहिरिएपछि दबाव महशुस गरेको मनाङका लागि व्यक्तिगत दोस्रो गोल एक्लैले सम्भव बनाए । जित संगै मनाङले चैत्र १ गते रुस्लान थ्री स्टारसंग सेमीफाईलन खेल्ने छ ।

सोमवार झापा गोल्ड कप जितेको आर्मीले बुटवलमा सोचे अनुसारको खेल प्रर्दशन गर्न भने सकेन । देविनगरस्थित एन्फा एकेडेमीको खेल मैदानमा भएको खेलको ५ औ १९ औ ३५ औ र ४४ औ मिनेटमा पाएको अवसरलाई आर्मीका खेलाडीले सदुपयोग गर्न नसक्दा पहिलो खेलबाटै बाहिरिनुको विकल्प भएन् ।  मनाङका विशाल राई म्यान अफ दी म्याच घोषित हुदै नगद ११ हजार नगदबाट पुरस्कृत भएका थिए । बुधवारको पहिलो सेमिफाईनल खेल आयोजक लाली रुपन्देही ११ र नेपाल पुलिसका विच हुनेछ । फोटो मनोज थापा