दशवर्षपछि एएस रोमा च्याम्पियन्स लिगको अन्तिम आठमा

एजेन्सी—इटालियन क्लब एएस रोमाले च्याम्पियन्स लिगको क्र्वांटरफाईनलको यात्रा तय गर्न अवे गोल पर्याप्त बन्यो । अवे खेलमा २—१ ले पराजित हुदैं दोस्रो खेल घरेलु मैदानमा १—० को जित निकाल्दै अन्तिम आठको स्थान सुरक्षित बनाउन इडेन जेको भूमिका महत्वपूर्ण रह्यो । उनकै गोलमा घरेलु मै सख्तर डोनेस्कोलाई कठिन रुपमा पराजित गरेको थियो । समग्रमा २—२ को स्थितिमा रहेपनि रोमालाई दशवर्षपछि च्याम्पियन्स लिगको क्वार्टरफाईनल भने अवे गोलले अन्तिम आठको बाटो देखायो ।

सन २००८ मा रोमा च्याम्पियन्स लिगको क्र्वाटरफाईनल खेलेको थियो । दशवर्षपछि उसले पुरानै लयलाई दोहोर्याउँदै अन्तिम आठमा पुर्याउँदा जेको नायक बने । खेलको ५२ औं मिनेटमा जेकोले गरेको गोल निर्णायक हुदाँ रोमाले च्याम्पियन्स लिगको यात्रा तय गर्दा इटालियन दर्शकको हुटिङले रंगशाला गुन्जयमान भएको थियो । केभिन स्टुर्टम्यानले दिएको थ्रो बललाई कलेक्ट गर्दै जेकोले दायाँ खुट्टाले हानेके बल पोष्टको दायाँकुनाबाट भित्र छिरेको थियो ।