सोमपाल र करणले लिए एक—एक विकेट

- खेलाडी न्युज, पोखरा


     खेलाडी न्युज    
     चैत्र १ गते २०७४ मा प्रकाशित


पोखरा(खेलाडी न्युज)—नेपालले अहिले पपुवा न्युगिनी विरुद्ध बलिङ गरिरहेको छ । सोमपाल कामीले पपुवा न्युगिनीका कप्तान असाद भालालाई १० रनमा एलबी डब्लुको धरापमा पार्दै दबाव सृजना गरेका छन् । हङकङ विरुद्ध दुई विकेट लिएका करण केसीले चार ओभर बलिङमा १७ रन खचिई सकेका छन् । करणले चौथो ओभर बलिङ गर्ने क्रममा महत्वपुर्ण विकेट टोनी उरेको लिए । उरेलाई २३ बल खेल्ने क्रममा ११ रनममा अनिल साको हातबाट क्याच गराई पवेलियनको बाटो देखाए ।

अन्तराष्ट्रिय क्रिकेटमा दुई दशकको यात्रा गरेको नेपालले आज इतिहास लेख्ने अभियानमा छ । जिते इतिहास लेखिने छ । पराजित भए अर्को अवसर कुर्नुपर्छ । क्रिकेटको विश्वकप छनोटमा सहभाागिता जनाउँदै क्रिकेटमा इँटा थपेको नेपालले अर्को इतिहास लेख्ने मात्रै एक कदम बाँकी छ । जितले नेपाललाई क्रिकेटको एकदिवसीय मान्यता पाउँछ ।

विश्वकप छनोटमा सुपर सिक्समा प्रवेश गर्न असफल भएको नेपालको लागि आज पपुवा न्युगिनीसँगको भेट एकदिवसीय मान्यताको लागि अन्तिम अवसर पनि हो । त्यो अवसरलाई आज नेपाली क्रिकेटरले चुकाउनु हुदैन् । जुन निर्णायक पनि हो । नेपालले आज हरारेस्थित हरारे स्पोर्टस क्लबको मैदानमा खेल्ने छ । नेपालको लागि त्यो मैदान भने विल्कुलै नयाँ हुने छ ।