प्रथम इटहरी मेयरकप प्रदेशस्तरीय भलिबल उपाधिको लागि प्रदेश ४ र ५ भिड्ने

- खेलाडी न्युज, पोखरा


     खेलाडी न्युज    
     चैत्र २ गते २०७४ मा प्रकाशित


इटहरी(खेलाडी न्युज)— प्रदेश नं ४ इटहरीमा आयोजित प्रथम प्रदेशस्तरीय मेयरकप पुरुष राष्ट्रिय भलिबल प्रतियोगिताको फाईनलमा प्रवेश गरेको छ । फाईनलमा उपाधिको लागि प्रदेश नं ५ सँग प्रतिस्पर्धा गर्ने छ ।

प्रदेश नं ४ ले सेमिफाईनलमा प्रदेश नं ७ लाई सोझो सेटमा पराजित गर्दै फाईनलद सुरक्षित गर्यो. । हावाहुरीले केहीबेर विथोलिएको खेलमा २५—१३, २५—१६ र २५—२० को सेटले पन्छाउँदै उपाधि निकट पुगेको हो । दोस्रो सेमिफाईनलमा खेल प्रदेश १ लाई प्रदेश ५ ले पराजित गर्दै फाईनलमा प्रवेश गरेको छ ।

लगातार दुई सेट २५—२२, २५—१९ ले लिएको प्रदेश नं ५ ले तेस्रो सेट भने गुमाउन पुग्यो । २२—२५ मा गुमाएको प्रदेश ५ ले चौथो सेटमा फेरी लयमा फर्किदैं २५—१८ ले जित्दै उपाधि भिडन्त पक्का गरेको हो । तेस्रो स्थानको लागि प्रदेश १ ले प्रदेश ७ सगँ प्रतिस्पर्धा गर्ने छ ।

इटहरी उपमहानगरपालिकाको आयोजना तथा पुर्वाञ्चल क्षेत्रीय भलिबल संघको व्यवस्थापनमा आयोजित प्रतियोगिता विजेता टोलीले नगद २ लाख पुरस्कार पाउने छ । दोस्रो हुने टोलीले एकलाख, तेस्रोले ५० हजार र चौथो एवं सान्त्वना हुने टिमले २५ हजार रुपैयाँ पाउने छन् । उत्कृष्ठ खेलाडीले १० हजार र विभिन्न विधाका उत्कृष्ठ खेलाडीले भने जनही ५—५ हजार रुपैयाँ प्रदान गरिने नेपाल भलिबल संघका बरिष्ठ उपाध्यक्ष यामबहादुर गुरुङले जानकारी दिए ।