बंगलादेशद्वारा श्रीलंका पराजित, फाईनलमा फेरी भेट भारतसँग

पोखरा(खेलाडी न्युज)—निधास ट्रफी त्रिकोणात्मक टी—२० सिरिजमा उपाधिको लागि भारतले बंगलादेशको सामना गर्ने छ । बंगलादेशले श्रीलंकामाथि २ विकेट जित दर्ता गरेपछि फाईनल भिडन्त भारतसित पक्का गरेको हो । बंगलादेश निधास ट्रफीमै दुई पटक पराजित भईसकेको छ ।

श्रीलक तीन व्याट्सम्यानले मात्रै दोहोरो अंकको रन छोए । दुई व्याट्सम्यानले अर्धशतक पारी खेल्दै श्रीलंकाले इनिङ्समा १५९ रन बनायो । सात विकेटको क्षतिमा पेरराले ६१ र एनएलटिसी परेरा(कप्तान)ले ५८ रनको इनिङ खेलेपनि त्यसको औचित्य भने देखिएन् । अन्य व्याट्सम्यानको प्रदर्शन खराब देखियो । मेन्डिसले मात्रै ११ रन जोडे । अन्य व्याट्सम्यान भने सस्तैमा पवेलियन फर्किए । मुस्ताफिजुर रेहमानले २ विकेट लिए ।

१६० रनको लक्ष्य पछ्याएको बंगलादेशले एक बल बाँकी छदाँ आठ विकेटको क्षतिमा पुरा गर्दै फाईनल पक्का गर्यो । तमिम इकबलको अर्धशतकीय योगदानमा जितको लक्ष्य पुरा गर्ने क्रममा महमुदउल्लाहले ४३ रनको योगदान दिए । मुस्ताफिजुर रेहमानले २८ र साविर रेहमानले १३ रनको योगदान गरे । अन्य व्याट्स क्रिजमा टिक्नै सकेनन् । ए धनन्जयले दुई विकेट लिए । श्रीलंकामा भईरहेको टी— २० सिरिजको फाईनल आईतबार हुने छ ।