पिएसजीको कमव्याक, डानीको निर्णायक गोल

- खेलाडी न्युज, पोखरा


     खेलाडी न्युज    
     चैत्र ४ गते २०७४ मा प्रकाशित


एजेन्सी— पेरिस सेन्ट जर्मेन(पिएसजी)ले फ्रेन्च लिग १ मा नाईसलाई २—१ गोलले पराजित गरेको छ । आईतबार भएको प्रतिस्पर्धामा डि मारिया र डानी एल्भेसको गोलमा नाईसलाई पराजित गर्दै नेयमारको अनुपस्थितिलाई कमजोर बन्न दिएनन् । नाईसका लागि अलान सेन्ट माक्सिमिनले गोल गरेका थिए ।

एक गोलले पछि परेको खेल उल्ट्याउँदै पिएसजीले खेल आफनो पक्षमा पारे । १७ औं मिनेटमा थ्रो बललाई निकै छिटो चलाउँदै अलासाने प्लेयलाई दिएको पासलाई अलान सेन्ट माक्सिमिनले गोल गर्दै नाईसलाई अग्रता दिलाए । तर अग्रतालाई लामो समय टिक्न भने पिएसजीले दिएन् । डि मारियाले २१ औं मिनेटमा बराबरी गोल गरे । युरीको पासलाई मारियाले गोल गर्दै बराबरीसँगै प्रतिस्पर्धात्मक मोडमा ल्याईपुर्याए ।

खेल सकिने आठ मिनेट बाँकी छदाँ डानी एल्भेसले गोल गर्दै पिएसजीको जित सुनिश्चित बनाए । एड्रिन राविओटले दिएको क्रसपासलाई एल्भेसले गरेको गोल निर्णायक बन्न पुग्यो ।