नेविसंघ बाग्लुङ पाँचौ धौलागिरी टी—२० क्रिकेटको सेमिफाईनलमा

- खेलाडी न्युज, पोखरा


     खेलाडी न्युज    
     चैत्र ९ गते २०७४ मा प्रकाशित


बाग्लुङ(खेलाडी न्युज)—पोखराको लेकसाईइ क्रिकेट क्लबलाई ९ विकेटले पराजित गर्दै बाग्लुङको नेपाल विद्यार्थी संघ पाँचौ धौलागिरी क्रिकेट टी—२० कपको सेमिफाईनलमा प्रवेश गरेको छ । आज विहान भएको पहिलो क्र्वाटरफाईनल खेलमा विजय विक र रविन जोशीले नटआउट क्रमश २५ र २० रन हिर्काएपछि लेकसाईडले दिएको ४९ रनको झिनो लक्ष्य एक विकेटको क्षतिमा पुरा गर्दै सेमिफाईनल यात्रा तय गर्यो ।

बाङ्गेचौर खेल मैदानमा भएको खेलमा टस जितेर व्याटिङ रोजेको लेकसाईडले ओपनर प्रेम गुरुङको दोहोरो अंकको रन ११ मात्रै जोडे । अन्य व्याट्सम्यान सस्तैमा आउट हुदैं गएपछि लेकसाईडले ४८ रन बनाउँदा सबै विकेट गुमायो । गणेश केसीले चार र रुपेश सिंहले तीन विकेट लिएपछि लेकसाईडलाई सबैभन्दा कमरनमा समेटिदिए ।

४९ रनको लक्ष्यलाई नेपाल विद्यार्थी संघ बाग्लुङले एक विकेटको क्षतिमा पुरा गर्ने क्रममा विजय विकले तीन छक्का र एक चौका हिर्काए । रविन जोशीले पनि दुई चौका र दुई छक्का हान्दै २० रनको नटआउट पारी खेल्दै जित दिलाए । चार विकेट लिएका नेपाल विद्यार्थी संघका केसी म्यान अफ दि म्याच घोषित भए ।