राईजिङ क्रिकेट एकेडेमी पाँचौ धौलागिरी टी—२० क्रिकेको सेमिफाईनलमा

- खेलाडी न्युज, पोखरा


     खेलाडी न्युज    
     चैत्र १० गते २०७४ मा प्रकाशित


बाग्लुङ(खेलाडी न्युज)—बाग्लुङ नगरपालिकालाई चार विकेटले पराजित गर्दै पोखराको राईजिङ क्रिकेट एकेडेमी ए पाँचौ धौलागिरी टी—२० क्रिकेट प्रतियोगिताको सेमिफाईनल प्रवेश गरेको छ । टस जितेर व्याटिङ रोजेको बाग्लुङले पोखराको एकेडेमीलाई जितको लागि १०२ रनको लक्ष्य प्रस्तुत गर्यो ।

अनिल बोगटीले सर्वाधिक रन हान्ने क्रममा २० रन जोडे । भुवन कार्कीले १७ रन, सन्तोष घिमिरेले ११ र अनुप बानियाँले १० रनको योगदान गरे । अन्य खेलाडीको दोहोरो अंकको रन बनाउनबाट चुके । मुखिल यादव र अमन रेग्मीले ३—३ विकेट लिए । अमृत गुरुङले २ विकेट लिए ।

मनोज कोइरालाले ३५ रनको महत्वपूर्ण योगदानमा छ विकेटको क्षतिमा लक्ष्य पुरा गर्दै अन्तिम चारमा प्रवेश गरेको हो । मुखिल यादवले पनि २४ रन नटआउट हिर्काउँदै जित दिलाए । उनी खेलको म्यान अफ दि म्याचको पुरस्कारको हकदार समेत बने । अमृत गुरुङले ओपनिङ गर्दै केवल १० रन बनाई पवेलियन फर्किए । सुनिल जिसीले सर्वाधिक ५ विकेट लिए । उनले ४ओभरमा ३१ रन खर्चिएका थिए । अन्तिम क्र्वाटरफाईनल खेल पोखरा क्रिकेट क्लब र बाग्लुङ क्रिकेट क्लब ए बीच हुने छ ।