बाग्लुङ क्रिकेट क्लब निलो पाँचौ धौलागिरी टी—२० क्रिकेटको सेमिफाईनलमा

- खेलाडी न्युज, पोखरा


     खेलाडी न्युज    
     चैत्र १० गते २०७४ मा प्रकाशित


बाग्लुङ(खेलाडी न्युज)—पोखरा क्रिकेट क्लब पोखरालाई १२६ रनले पराजित गर्दै बाग्लुङ क्रिकेट क्लब निलो पाँचौ धौलागिरी टी—२० क्रिकेटको सेमिफाईनलमा प्रवेश गरेको छ । टस जितेर व्याटिङ गरेको बाग्लुङ क्रिकेट क्लबले पुरन सिंह र विक्की घोजीले क्रमश ६६ र ५८ रनको पारी खेल्दै २४३ रन बनाए । सिंहले चार छक्का र आठ चौका हिर्काउँदै ६६ रन जोडे । घोजीले छ चौका र पाँच छक्का हान्दै ५८ रन बनाई चन्द्रको बलमा आउट भए ।

मोद सानले २१, प्रविन कार्कीले २१, किरण सिंहले १७ रनको योगदान दिदैं पोखरा क्रिकेट क्लबलाई २४४ रनको लक्ष्य प्रस्तुत गर्यो । पोखराका समीर सेनले ४ विकेट लिए । गोविन्द प्रधानले २ विकेट लिएका थिए । २४४ रनको लक्ष्य पछ्याएको पोखरा क्रिकेट क्लब भने ११८ रन समेटियो । प्रदीप राउतले २२ रन बनाउँदै पवेलियन फर्किएपछि पोखरा क्रिकेट क्लबको विकेट फटाफट झर्न पुग्यो ।

विधान श्रेष्ठ १४, अनिल गुरुङले पनि १४ रन जोड्दा विजय राउतले भने १८ रन हिर्काउँदै अन्तिम विकेटको रुपमा पवेलियन फर्किए । १९ रन अतिक्ति उपहार बनेपनि जितको लक्ष्य हासिल गर्नबाट भने पोखरा क्रिकेट क्लबले सकेन् । प्रकाश सिंहले ३, किरण सिंहले २ मोहम्मद जुनाबले २ विकेट लिए । खेलमा विक्की घोजी म्यान अफ दि म्याच घोषित भए ।

भोलि आईतबार राईजिङ क्रिकेट एकेडेमी पोखराले नेपाल विद्यार्थी संघ बाग्लुङसँग खेल्ने छ भने दोस्रो सेमिफाईनल खेल बाग्लुङ क्रिकेट क्लब निलोले बुटवल युथ स्पोर्टस क्लबसित प्रतिस्पर्धा गर्ने छ ।