इग्लिस क्लब सिटी नेयमार भित्रयाउने रेसमा

- खेलाडी न्युज, पोखरा


     खेलाडी न्युज    
     चैत्र १० गते २०७४ मा प्रकाशित


एजेन्सी—खुट्टाको एंकल सर्जरी गरी आराम गरिरहेका पेरिस सेन्ट जर्मेनका प्लेमेकर नेयमारलाई भित्रायाउने चासोमा इग्लिस क्लब म्यानचेष्टर सिटी पनि अघि देखिएको छ । समर सिजनमा रसियामा हुने विश्वकपमा फर्किने तयारीमा रहेका नेयमारलाई समर सिजनमा सिटी भित्रयाउने अभियानमा व्यवस्थापक पेप ग्वार्डिओलाले सक्रियता देखाएका छन् । यद्यपी रिलिज क्लजको बारेमा भने केही खुलाईएको छैन् ।

नेयमार बार्सिलोना फर्किने सम्भावना पनि छ । रियल मड्रिडले नेयमारलाई भित्रयाउने चाहना राख्दै आएको छ । प्रिमियर लिगको पहिलो उपाधि उचाल्ने योजनामा रहेको ग्वार्डिओलाले नेयमारलाई भित्रयाई टोलीको प्रदर्शन अझ प्रभावकारी बनाउने ध्यानमा छन् । त्यसै अनुसार नेयमारलाई भित्रयाउने मानसिकतामा देखिएका छन् । नेयमारले अघिल्लो साता मात्रै पिएजसीसँग हप्ताको १ मिलियन पाउण्ड पारिश्रमिक माग गरेपछि फुटबल जगतमा नयाँ तरंग समेत पैदा भएको थियो । म्यानचेष्टर युनाईटेड पनि क्लबमा भित्रयाउनको लागि नेयमारसँग हस्ताक्षर गर्न खोजिरहेको ईएसपिएनले जनाएको छ ।