लामिछानेलाई मेसुका स्पोर्टस मन्थ्ली टेनिस उपाधि

पोखरा(खेलाडी न्युज)—मेसुका स्पोर्टस टेनिस प्रतियोगिताको उपाधि धरमबहादुर लामिछानेले जितेका छन् । आईतबार पोखरा रंगशालास्थित टेनिस कोर्टमा भएको फाईनलमा गोपीबहादुर भट्टराईलाई ६—४, ६—३ को सोझो सेटमा पराजित गर्दै उपाधि रक्षा गरे । उनी गत महिना भट्टराईसँग पराजित भएका थिए । गत महिनाको हारको बदला लिने क्रममा उनले भट्टराईलाई सोझो सेटमा पन्छाउँदै उपाधि उचाले । उनले नगद ५ हजार पाउँदा उपविजेता भट्टराईले नगद २५ सय रुपैयाँ प्राप्त गरे ।

पोखरामा टेनिस खेलको विकास र विस्तारको लागि मासिक पोखरास्तरीय टेनिस प्रतियोगिता गर्दै आएका छन् । पोखराका दुईदर्जन भन्दा बढी भेट्रान्स खेलाडीहरुको सहभागिता रहेको थियो । विजेता तथा उपविजेता खेलाडीद्वयलाई पश्चिमाञ्चल क्षेत्रीय प्रहरी कार्यालय पोखराका प्रमुख(एआईजी) कमलसिंह बमले नगदसहित ट्रफी प्रदान गरेका थिए ।