नविनको ह्याट्रिक, एपीएफद्वारा झापा पराजित

- खेलाडी न्युज, पोखरा


     खेलाडी न्युज    
     चैत्र ११ गते २०७४ मा प्रकाशित


बुटवल(खेलाडी न्युज)—विर्तामोड गोल्डकपमा उपविजेता रमपम झापा ११ बुटवलमा आयोजित मोसफलकै सर्वाधिक राशीको तेस्रो मदन भण्डारी अन्र्तराष्ट्रिय गोल्डकपमा खराब नजितासँगै बाहिरिदाँ विभागीय टोली एपीएफ क्लबले मोफसेली प्रतियोगितामा पहिलो खेल रवाफिलो बनायो ।
मदन भण्डारी स्पोर्टस एकेडेमी प्रदेश नं. ५ को आयोजनामा बुटवल १२ रामनगरमा रहेको मानवज्ञान माविको खेल मैदानमा आजको प्रतिस्पर्धामा नविन लामाले ह्याट्रिक गर्दै एपीएफलाई ४–२ ले नजितामा पराजित गर्दै दोस्रो चरणको यात्रा तय गर्यो । एपिएफले आफ्नो दोस्रो खेल अब चैत १३ गते रुपन्देहीको सुनौलो संगम क्लव संग खेल्नेछ ।
पहिलो हाफको सुरुवातीमै पाँचौ मिनेटमा कर्ण लिम्बुको गोलसंगै झापा–११ को अग्रतालाई १७ औं मिनेटमा एपिएफका रामकुमार कुमालले तोडिदिएका थिए । खेलको सुरुवाती समयमै अग्रता कायम गरेको झापाका खेलाडी हौसिएका कारण सुरुवाती अग्रता तोडिएको हो । खेलको ३६ औं मिनेटमा झापाका भुषण सुवेदीले एपिएफका नविन लामालाई लडाएपछि प्राप्त पेनाल्टी किक मार्फत गोल गरेर टिमलाई अग्रता दिलाएका थिए ।
पहिलो हाफमा एकका बिरुद्ध २ गोलले अग्रता लिएको एपिएफका सामु दोस्रो हाफमा झापा–११ ले थप एक गोल गरेपनि थप दुई गोलको सामना गर्दै चारका बिरुद्ध दुई गोलमा समेटिन पुग्यो । खेलको दोस्रो हाफमा थप दुई गोल गर्दै नविन लामाले ह्याट्रिक गरेका हुन् । खेलको ५७ औं मिनेटमा झापाका खमिर गिल्सन खवाले हेडिङ् मार्फत गोल गर्दै बराबरीमा पु¥याएपनि एपिएफका लामाले झापालाई रोक्दै थप दुई गोल गरेका हुन् । एपिएफका लामाले थप गोल ६१ औं मिनेट र ८८ औं मिनेटमा गरेका थिए । एपिएफको जित संघै आईतबारको खेलमा एपिएफका नविन लामा म्यान अफ द म्याच घोषित हुँदै दश हजार नगद पुरस्कार प्राप्त गरेका छन् ।
मदन भण्डारी स्पोर्टस एकेडेमी प्रदेश पाँच समितिको आयोजनामा सञ्चालित प्रतियोगिता अन्तरगत सोमबार मदन भण्डारी स्पोर्टस एकेडेमी काठमाण्डौ र नेपाल आर्मी बीच पहिलो क्वाटर फाईनलको प्रतिस्पर्धा हुने छ ।