यमन विरुद्ध उत्रिदै नेपाल

- खेलाडी न्युज, पोखरा


     खेलाडी न्युज    
     चैत्र १३ गते २०७४ मा प्रकाशित


पोखरा(खेलाडी न्युज)नेपालले आज यमन विरुद्ध एशियन कप छनोटको अन्तिम खेल खेल्दै छ । कतार स्पोर्टस क्लब सुहेन विन हमाद रंगाशालामा आज यमन विरुद्ध नेपालले प्रतिष्ठा जोगाउनको लागि खेल्ने छ । दुई दिन अघि मात्रै नेपाली टोली कतार पुगेको थियो ।

नेपाली टोलीको लागि नवयुग श्रेष्ठ र विमल घर्तीमगरलाई स्ट्राईकरको जिम्मेवारी छ । सुनिल बलले पनि यमन विरुद्धको खेलमा खेल्ने पाउने सम्भावना पनि प्रबल छ । नेपालले प्रतिष्ठाको लागि खेल्दा यमनले भने एसिया कप छनोटको लागि खेल्ने छ । नेपाललाई पराजित गरेको अवस्थामा यमन छनोट हुने छ ।

विराज महर्जनको कप्तानीमा रहने नेपाली टोलीको गोलकिपिङको जिम्मेवारी किरण चेम्जोङले लिने छन् । दिनेश राजवंशी, विशाल राई, रोहित चन्द, अनन्त तामाङ आदित्य चौधरी, सुनिल बल, अन्जन विष्ट, नवयुग श्रेष्ठ र विमल घर्तीमगर छन् । शीर्ष दुईस्थानमा रहने टोलीले अर्को वर्ष युएईमा हुने एएफसी एसियन कपमा सहभागिता जनाउन पाउने छ ।