जर्मनीमाथि ब्राजिलको साँघुरो जित

एजेन्सी—चार वर्षअघि स्तब्ध हुने गरी पराजित भएको पीडालाई ब्राजिलले बुधबार विहान जर्मनीमाथि कठिन जित निकाल्दै बिर्सिएको छ । २०१४ मा विश्वकप दौरानमा ब्राजिलमाथि ७—१ को फराकिलो जित निकालेको डिफेण्डिङ च्याम्पियन जर्मनीले भने बिहान जादुमयी देखाउन सकेन् ।

नेयमार विना उत्रिएको ब्राजिलले जर्मनीमाथि जित निकाल्न ३७ औ मिनेटमा सम्भव बनायो । ग्रावियल जेससले ३७ औं मिनेटमा गरेको गोल निर्णायक हुदाँ जर्मनीले चार वर्ष अघि दिएको पीडालाई बिसाईदियो । जितसँगै ब्राजिलले विश्वकप उचाल्ने सम्भावनालाई विश्व फुटबल प्रेमीमाझ फेरी एकपटक सिद्ध गरेको छ । तीन दिन अघिमात्रै स्पेनसँग जर्मनीले १-१ को बराबरी खेलेको थियो।