विश्वकपको लागि बेलायती टोलीको जुन ४ मा अन्तिम नामावली

- खेलाडी न्युज, पोखरा


     खेलाडी न्युज    
     चैत्र १५ गते २०७४ मा प्रकाशित


एजेन्सी—विश्वकपको लागि बेलायतले आफनो अन्तिम खेलाडीको नामावली भने अन्तराष्ट्रिय मैत्रीपूर्ण वार्मअप म्याचपछि निकाल्ने निर्णय बेलायती व्यवस्थापक गारेथ साउथगेटले बताएका छन् । गत मंगलबार इटालीसँग १—१ को बराबरी खेलेको इग्ल्याण्डले ३५ जना खेलाडी छनोट गरेर प्रशिक्षण दिईरहेको छ ।

बेलायतले जुन ४ मा आफनो २३ सदस्यीय टोली छनोट गर्ने जनाएको छ । अन्तिम डेडलाईन नै ४ जुन तोकिएको छ । जुन २ गते नाईजेरियासँगको वार्मअप म्याचपछि मात्रै २३ सदस्यीय टोली सदस्य छनोट गरिने व्यवस्थापक साउथगेटले जनाएका छन् । पाँच जना बैकल्पिक खेलाडीको रुपमा राख्ने प्रस्ताव समेत छ ।

खेलाडी छनोट क्याम्प र वार्मअप मैत्रीपूर्ण म्याच फरक रहेको उल्लेख गर्दै साउथगेटले यो सबैको लागि फरक अनुभव हुन् । बेलायती टोली सधैं उपाधिको दावेदारी मानिएपनि प्रदर्शन भने कमजोर देखाउँदै आएको छ ।