मदन भण्डारी गोल्डकप, थ्रीस्टारले आयोजकसँग सेमिफाईनल खेल्दै

पोखरा(खेलाडी न्युज)—वर्षको चौथो उपाधिको खोजीमा रहेको थ्रीस्टारले आज आयोजक मदन भण्डारी स्पोर्टस एकेडेमीसँग सेमिफाईनल खेल्दै छ ।

सेमिफाईनल जितले फाईनल सुरक्षित हुने छ भने उपाधिको संघारमा पुग्ने छ । पराजितले बाहिरिदैं उपाधि विहीन फर्किनुपर्छ । मलेसियाको टोलीलाई पराजित गर्दै सेमिफाईनल सुरक्षित गरेको थ्रीस्टारले आयोजकसँग खेल्दै शतप्रतिशत नजिता निकाल्ने प्रयासमा खेल्ने छ ।

सर्वाधिक पुरस्कार राशीको गोल्डकपको लागि आयोजकले उपाधि रक्षा गर्ने अभियानमा छ । व्यवसायिक खेलाडीलाई समेल्दै बलियो टोली बनाएको छ । आयोजकलाई रोक्नु निकै चुनौतिपूर्ण देखिन्छ । भरोस विदेशी खेलाडीको छ । सिजनकै उत्कृष्ठ लयमा रहेको नेपाल आर्मीलाई पराजित गर्दै सेमिफाईनल यात्रा तय गरेको आयोजकले उपाधि रक्षा गर्ने सम्भावनाको रुपमा लिईदैं आएको छ ।

१५ लाख नगदराशीको गोल्डकपपछि नेपाली फुटबल क्लबहरु पुर्वाञ्चलको विराट गोल्डकपमा सहभागिता जनाउँदै वर्षको अन्तिम गोल्डकप टुग्याउने छन् । त्यसपछि २०७५ मा बैशाख पहिलो सातादेखि फेरी गोल्डकपको रफ्तार बढ्ने छ । माईभ्याली गोल्डकप बैशाख ६ गतेदेखि र पाँचथरमा बैशाख २० गतेदेखि अर्को गोल्डकप शुरु हुने छ ।