युनाईटेड दोस्रो स्थानमा, सिटी उपाधि नजिक

- खेलाडी न्युज, पोखरा


     खेलाडी न्युज    
     चैत्र १८ गते २०७४ मा प्रकाशित


एजेन्सी- रोमेलु लुकाकुले सयौं गोलको कोशे ढुंगा पुरा गर्दा म्यानचेष्टर युनाईटेडले स्वास्न्सी सिटीमाथि २(० गोलले पराजित गरेको छ । २४ वर्षिय लुकाकुले पाँचौ मिनेटमा गोल गर्दै अग्रता दिलाउँदा आफनो सय गोलको कोशेढुंगा पार गरेका थिए । अर्को गोल भने अलेक्स सान्चेजले २० औं मिनेटमा गरेका थिए ।

युनाईटेड जितसँगै प्रिमियर लिगको दोस्रो स्थानमा फेरी उक्लिएको छ । लिभरपुलले क्रिष्टियल प्यालेसलाई पराजित गर्दै केही घण्टाको लागि दोस्रो स्थानमा उक्लिएको छ । शीर्ष चार भित्र रहने टोलीले अर्को सिजन च्याम्पियन्स लिग खेल्ने अवसर प्राप्त गर्ने भएकोले पनि शीर्ष चारभित्र रहन जित निकाल्नै पर्ने दबाव थियो । युनाईटेड ६८ अंकसहित दोस्रो स्थानमा रहँदा लिभरपुल भने ६६ अंकसहित तेस्रो स्थानमा छ ।

उता म्यानचेष्टर युनाईटेडले एभर्टन माथि ३(१ गोलले पराजित गर्दै सिजनको उपाधि उचाल्ने तयारीमा छ । चार मिनेटमा लिरोय सानेले गोल गर्दै दिलाएको अग्रतामाथि सिटीका लागि दोस्रो गोल भने ग्रावियल जेससले १२ औं मिनेटमा थप्दै अग्रता बढाए । ३७ औं मिनेटमा रहिम स्टर्लिंगले अर्को गोल थपेपछि सिटीलाई उपाधि निकट पुर्याउन सम्भव बन्यो । ६३ औं मिनेटमा यानिक बोलासिएले गोल गर्दै एभर्टनलाई खेलमा फर्काउने सम्भावना देखाए । यदपी अन्तर फराकिलो भएकोले त्यो सम्भव भने हुन सकेन् ।