पेनाल्टीले बचायो रियलको भाग्य, युभेण्ट्स समग्रमा ४—३ ले पराजित

- खेलाडी न्युज, पोखरा


     खेलाडी न्युज    
     चैत्र २९ गते २०७४ मा प्रकाशित


एजेन्सी—दोस्रो लेगमा पुनरागमन गर्दै युभेण्ट्सले रियल मड्रिडलाई पराजित गरेपनि एक गोलको सामना गरेपछि अन्तत युभेण्ट्स च्याम्पियन्स लिगबाट बिदा लिएको छ । रियलकै घरेलु मैदानमा युभेण्ट्सले उस्तै नजितामा पराजित गर्दै आत्मविश्वास देखिएपछि खेल सकिन दुईमिनेट अघिमात्रै पाएको पेनाल्टीले रियललाई च्याम्पियन्स लिगको सेमिफाईनल ढुक्क बनायो ।

सम्भावित हारको संघारमा रहेको रियललाई क्रिष्टियानो रोनाल्डोले इन्जुरी सयममा (९०+७) मिनेटमा पेनाल्टीमा गोल गर्दै रियललाई जीवनदान दिए । युभेण्ट्सले रियलमाथि दोस्रो लेगमा ३—१ गोलले पराजित गर्दा गोलकिपर जिअनलुगी बुफेनले रातो कार्ड खाए । रातो कार्ड (९०+३)मा खाँदै बाहिरिएपछि दश खेलाडीमा सीमित युभेण्ट्सले दुःखद अन्त्य गर्यो । समग्रमा ४—३ गोलसँगै रियलले चयाम्पियन्स लिगको अन्तिम चारको यात्रा तय गर्यो ।

दोस्रो मिनेटमा मारियो मान्डुज्कीचले गोल गर्दै युभेण्ट्सलाई दिलाएको अग्रतालाई उनलै ३७ औं मिनेटमा दोब्बर बनाए । ब्लेज माटुईडीले ६० औं मिनेटमा अर्को गोल थपेपछि रियल सम्भावित हारको संघारमा पुगिसकेको थियो । हिजोको खेलमा अतिरिक्त समय पनि ९ मिनेट थपिएको थियो । अतिरिक्त समय थपिएको अत्याधिक नै हो । (९०+३) मिनेटमा मेद्ही बेनटियाले डिबक्सभित्र रियलका लुकास भाज्क्वेजलाई फउल हिर्काएपछि रियलले पेनाल्टीको अवसर पाएको थियो ।

पेनाल्टी पाएपछि केही समय विवाद हुन पुग्यो । रेफ्रीसँग विवादमा उत्रिएपछि बुफेनले रातो कार्डको दर्शन गरे ।
घरेलु मैदानमा रियल निरिह बन्यो । तथापी भाग्यले भने अन्तिम समयमा आएर साथ पायो । पेनाल्टीले रियलको इज्जत जोगियो । खेल पनि निकै आक्रामक रह्यो । रियलका चार खेलाडीले पहेलो कार्ड खाए । युभेण्ट्सका पाँच र एक रातो कार्डको सामना गरे ।