मोयाथाई किक बक्सिङ खेल सामाग्री हस्तान्तरण

- खेलाडी न्युज, पोखरा


     खेलाडी न्युज    
     वैशाख २१ गते २०७५ मा प्रकाशित


पोखरा(खेलाडी न्युज)—मिलन फाउण्डेशन नेपालले नेपाल मोयाथाई किक बक्सिङ कास्कीलाई नगदसहित खेल सामाग्री हस्तान्तरण गरेको छ । फाउण्डेशनका संरक्षक दुर्गा गुरुङ(मिलन)ले नगद ५० हजारसहित मोयाथाई खेल सामाग्री मोयाथाई किक बक्सिङका प्रमुख प्रशिक्षक दिपकबहादुर गोदारलाई हस्तान्तरण गरेका हुन् ।

जिल्ला खेलकुद विकास समितिका कास्कीका अध्यक्ष यामबहादुर गुरुङको पहलमा फाउण्डेशनले उक्त सामान हस्तान्तरण गरेका हुन् । संरक्षक हाल हङकङ निवासी हुन् । मोयाथाईको किक बक्सिङ खेलमा आवश्यक पर्ने किक प्याड हस्तान्तरण गरिएको हो । नगद सहयोग भने किक बक्सिङ पोशाकमा खर्च गरिने प्रमुख प्रशिक्षक गोदारले बताए ।

केही दिन अघि मात्रै मोयाथाईका खेलाडी विवेक कार्कीले खेल सामाग्री हस्तान्तरण गरेका थिए । मोयाथाईका खेलाडी कुमार थापाले कोरियाको सिओलमा रजत पदक, नारायण आचार्यले भियतनाममा कास्य पदक, विन्टर ओलम्पिक काजकिस्तानमा नवराज गुरुङ सहभागि भएका थिए ।