आईसल्याण्डले पहिलो हाफ अर्जेन्टिनासँग बराबरी खेल्यो

एजेन्सी-अग्रता लिएको चार मिनेटमै बराबरी गोल गरेपछि आईसल्याण्डले अर्जेन्टिना सितको विश्वकपमा पहिलो भेट अविस्मरणीय बनाएको छ ।

सर्जियो अगुईरोले लेफ्ट फुटेट किक फष्टबार हुदैं जाली चुमेपछि १९ औं मिनेटमा अर्जेन्टिनाले अग्रता लिएको थियो । जाभियर मासेरानोको पासमा डिबक्सभित्रबाट अगुईरोले गोल गरेका थिए । तर चार मिनेटमै आईसल्याण्डले बराबरी गोल फर्काउँदै अर्जेन्टिनामाथि दबाव राख्दै बलियो चुनौति तेर्सायो । २३ औं मिनेटमा अल्फेड फिनाबोगासनले गोल गर्दै बराबरीमा ल्याए । बलमाथिको नियन्त्रण पूर्ण रुपमा अर्जेन्टिनाले राख्यो ।

विश्वकपमै निकै कठिन रुपमा छनोट पार गरेको अर्जेन्टिनाले पहिलो हाफसम्म आईसल्याण्डको डिफेन्स तोड्न निकै मेहनत गरिरहेको छ । यद्यपी पहिलो हाफ टुंगिदाँ दुवैले एक एक गोलको बराबरी खेलेका छन् । अर्जेन्टिनाले एकपछि अर्को गोलको मुभ बनाएपनि आईसल्याण्डका डिफेन्सले विफल पार्न व्यस्त बनिरहे । अर्जेन्टिनाले ४–२–३–१ र आईसल्याण्डले ४–४–१–१ को रणनीतिमा खेलिरहेको छ ।